Novyja mabilnyja padraździaleńni śpiecnaza buduć stvoranyja va ŭsich złučeńniach unutranych vojskaŭ
Zajavu pra toje, što novyja mabilnyja padraździaleńni śpiecnaza buduć stvoranyja va ŭsich złučeńniach unutranych vojskaŭ, zrabiŭ na kalehii MUS namieśnik ministra ŭnutranych spraŭ — kamandujučy ŭnutranymi vojskami Mikałaj Karpiankoŭ, paviedamlaje BIEŁTA.
Mikałaj Karpiankoŭ skazaŭ na kalehii, što «sistema ŭnutranych vojskaŭ i ŭ dalejšym budzie ŭdaskanalvacca».
Jak piša Biełta, razmova idzie ŭ tym liku ab naroščvańni bajavoha patencyjału padraździaleńniaŭ apieratyŭnaha pryznačeńnia.
Hetaja rabota nibyta viadziecca «z ulikam mižnarodnaha vopytu i suśvietnaj abstanoŭki».
Pavodle Biełta, asobny atrad śpiecyjalnaha pryznačeńnia byŭ sfarmavany ŭ vajskovaj čaści 3214. Novyja mabilnyja padraździaleńni taksama buduć stvoranyja va ŭsich złučeńniach unutranych vojskaŭ.
Ich hałoŭnaj zadačaj stanie «procidziejańnie pahrozam i hatoŭnaść pracavać na luboj terytoryi, u lubych umovach».
«Vojski asnaščanyja sučasnymi vidami bieśpiłotnych latalnych aparataŭ, va ŭsich voinskich čaściach sfarmavanyja padraździaleńni pa ich prymianieńni», — skazaŭ Mikałaj Karpiankoŭ.
