Jak pravilna pryniać try samyja važnyja rašeńni ŭ žyćci? Voś što kažuć ekśpierty
Jość harantavany sposab załažać, kali vy prymajecie losavyznačalnyja rašeńni nakštałt zaklučeńnia šlubu, źmieny pracy ci kupli doma. Dla niaŭdačy treba ŭsiaho tolki nie zadavać pravilnyja pytańni i nie radzicca ź inšymi ludźmi. Voś što pra heta kažuć ekśpierty.
Pierad tym, jak žanicca, havarycie
Navukoŭcy raskazvajuć, što finansavyja pytańni — adny z hałoŭnych pryčyn prablem u adnosinach i razvodaŭ. Finansavaja kansultantka Daša Kienedzi rekamienduje param zadoŭha da šlubu pahavaryć pra takija rečy, jak daŭhi, ahulny biudžet i doŭhaterminovyja finansavyja mety, bo heta ŭpłyvaje na pierśpiektyvy sajuza, piša CNN.
Ale finansy — nie adzinaja važnaja tema. Siamiejny terapieŭt Džordž Džejms zaklikaje pary adkryta kazać pra toje, što im treba ad partniora, u tym liku i raspaviadać pra pažadany styl kamunikacyi, adnosin i blizkaści. Taksama było b niabłaha padumać pra dašlubnyja kansultacyi ź psichaterapieŭtam: takija rečy mohuć dapamahčy kachanym lepš kamunikavać adzin z adnym, a heta — sakret ščaślivych doŭhaterminovych adnosin.
Nie varta bajacca svarak i ciažkich časoŭ, jakija buduć u kožnaj pary. Džejms miarkuje, što takija rečy ź ciaham času robiacca simvałami, na jakija možna paźniej pahladzieć i skazać: kali my pieraadoleli takoje, my dadzim rady i novym vyprabavańniam.
Uzvažcie schavanyja vydatki na kuplu žylla
Kali vy vałodajecie domam, vy, napeŭna, sutykajeciesia z mnostvam vialikich i časta niečakanych vydatkaŭ. Pavodle apytańnia resursa bankrate.com, zroblenaha ŭ 2021 hodzie, niečakana vysokija vydatki na techničnaje absłuhoŭvańnie — adna z hałoŭnych pryčyn, što prymušaje dźvie traciny domaŭłaśnikaŭ škadujuć pra nabyty dom. Inšymi važnymi pryčynami respandenty nazvali miescaznachodžańnie doma i ipatečnuju staŭku.
Kienedzi raskazvaje, što pierad kuplaj doma važna razumieć usie vydatki. Uličycie, kolki vam pryjdziecca vydatkoŭvać hrošaj na ramont, padatki i inšyja pytańni, i vy atrymajecie sumu, jakaja moža značna pieravysić ipatečnyja vypłaty.
A jašče kansultantka nahadvaje, što i ŭ arendzie žylla niama ničoha drennaha. Tak, u vałodańnia domam jość šmat plusaŭ, ale heta moža być nie dla ŭsich, i heta całkam narmalna.
Zrazumiejcie, što vas matyvuje źmianiać pracu
Usie pracoŭnyja miescy majuć časovy charaktar, tamu važna adčuvać, kali dla vas nastaŭ čas šukać dla siabie inšyja varyjanty. Dž. T. A'Doneł, ekśpiertka pa karjernym roście, raskazvaje, što važna nie pryhniatać unutry siabie niezadavalnieńnie svajoj pracaj, bo heta ŭpłyvaje i na jakaść pracy, i na stan samoha čałavieka. Zamiest hetaha lepiej zadać sabie ščyraje pytańnie: što mnie nie padabajecca na maim ciapierašnim miescy? Kali vy razumiejecie, što vam nie padychodzić pracadaŭca abo typ pracy, mahčyma, vam dapamoža ščyraja hutarka z kiraŭnictvam, ale moža być i tak, što pryjšoŭ čas šukać niešta novaje.
Pierad tym, jak źmianiać pracu, A'Doneł raić vykanać nastupnyja punkty:
- Znajdzicie 10 kampanij, jakija vy pavažajecie i jakimi zachaplajeciesia. Havorka nie pra toje, kab ich ličyli vydatnymi pracadaŭcami, chutčej aryjentujciesia na ŭłasnyja adčuvańni nakont hetych arhanizacyj — jany pavinny vam ščyra padabacca.
- Zapišycie, čamu vy imi zachaplajeciesia. Naprykład, vam padabajecca ich pradukcyja ci pasłuhi, klijenty ci ich padychod da pracy.
- Padumajcie, ź jakoj situacyi pačałosia vaša zachapleńnie hetymi arhanizacyjami.
- Narešcie, pahladzicie, ci jość niešta ahulnaje pamiž jakaściami kampanij i situacyjami, što prymusili vas imi zachaplacca.
Ekśpiertka raskazvaje, što hetaje praktykavańnie dapamahaje ludziam zrazumieć, što dla ich važnaje ŭ pracy, i adpaviedna pavyšaje ich šansy paśpiachova źmianić pracadaŭcu. A'Doneł raskazvaje, što kali čałaviek žadaje zrabić dobruju karjeru, jon zaŭsiody musić być hatovy šukać pracu, a ŭ svaich pošukach varta aryjentavacca na arhanizacyi, jakija robiać važnyja dla vas rečy.
Lehiendarny astranaŭt Baz Ołdryn ažaniŭsia ŭ svoj 93-i dzień naradžeńnia
Nieščaślivy šlub moža być fatalnym dla mužčyn — daśledavańnie
Adčuvajecie emacyjnaje vyharańnie? Voś try parady vam, kali vy pracujecie addalena
