U adkaz na adpraŭku niamieckich tankaŭ Ukrainie Pucin pryhraziŭ Zachadu «nie tolki braniatechnikaj»
Pucin skazaŭ: «My svaje tanki da ich miažy nie dasyłajem, ale ŭ nas jość, čym adkazać». «I prymianieńniem braniatechniki sprava nie skončycca, usie pavinny heta razumieć», — adznačyŭ rasijski lidar.
Uładzimir Pucin. Skrynšot ź videa
«Tyja, chto ŭciahvaje jeŭrapiejskija krainy, u tym liku Hiermaniju, u novuju vajnu z Rasijaj i tym bolš biezadkazna zajaŭlaje pra heta jak pra fakt, jaki ŭžo adbyŭsia, tyja, chto raźličvaje atrymać nad Rasijaj pieramohu na poli boju, vidać, nie razumiejuć, što sučasnaja vajna z Rasijaj budzie dla ich zusim inšaj», — skazaŭ prezident Rasii na kancercie ŭ Vałhahradzie z nahody 80-hodździa Stalinhradskaj bitvy.
Jon nazvaŭ «nievierahodnym» fakt, što Rasii znoŭ pahražajuć niamieckimi tankami Leopard z kryžami na bartach. Ale znoŭ zmanipulavaŭ histaryčnymi faktami — u 2023 hodzie ŭ roli akupantaŭ vystupaje jakraz Rasija.
Čytajcie taksama:
Pierad sustrečaj z Pucinym źnik hubiernatar Vałhahradskaj vobłaści
HUR Ukrainy: Pucin addaŭ zahad da sakavika zachapić Danieckuju i Łuhanskuju vobłaści
Daśledavańnie: Rasija nabyvaje charakternyja rysy dyktatury
