Znajści
Ałharytmičny łacinski varyjant
03.02.2023 / 11:5410RusŁacBieł

Novym rektaram JEHU znoŭ staŭ nie biełarus

Upieršyniu rektaram VNU stanie palak — vybitny ekanamist Kšyštaf Rybiński, jaki raniej uznačalvaŭ ekanamičny ŭniviersitet u Kazachstanie i byŭ vice-prezidentam Nacbanka Polščy.

Fota: voxpopuli.kz

3 lutaha na sustrečy z vykładčykami i studentami ŭniviersiteta było abvieščana, što novym kiraŭnikom Jeŭrapiejskaha humanitarnaha ŭniviersiteta (Vilnia) iznoŭ stanie čałaviek nie ź Biełarusi: na vakansiju vybrali viadomaha polskaha ekanamista Kšyštafa Rybińskaha.

55-hadovy Kšyštaf Rybiński atrymaŭ stupień doktara ekanamičnych navuk u Varšaŭskaj škole ekanomiki, maje taksama stupień mahistra kampjutarnych navuk. U rozny čas pracavaŭ jak kansultant Suśvietnaha banka, dyrektar prahram Fondu Sorasa ŭ Centralnaj i Uschodniaj Jeŭropie, hałoŭny ekanamist i kiraŭničy dyrektar kamiercyjnych bankaŭ.

Paźniej Rybiński pierajšoŭ na pracu ŭ Nacyjanalny bank Polščy, dzie zaniaŭ pasadu vice-prezidenta, a potym staŭ adnym z partnioraŭ Ernst & Young, dzie kiravaŭ hrupaj ekanamičnaj stratehii.

Palak taksama maje vopyt kiraŭnictva ŭniviersitetami. U pieryjad z 2010 pa 2015 hody jon byŭ rektaram varšaŭskaj Akademii finansaŭ i biznesu «Vistuła», a z 2015 pa 2018-y — rektaram Novaha ekanamičnaha ŭniviersiteta imia T. Ryskułava ŭ Kazachstanie.

Padčas pracy ŭ Kazachstanie Rybiński adznačyŭsia ŭpartaj baraćboj z karupcyjaj u davieranym jamu ŭniviersitecie. Palak zmahaŭsia ź pieradačaj vykładčykam hrošaj za pavyšeńnie adznak i mahčymaściu atrymać ekzamienacyjnyja papiery zahadzia, a taksama raspracavaŭ sistemu kalektyŭnaha pakarańnia chabarnikaŭ. Kali vykładčyka łavili na atrymańni hrošaj ad studenta, zvalniali i vyklučali z univiersiteta nie tolki ich, ale i ich naŭprostavaha kiraŭnika. Z momantu ŭviadzieńnia takoha praviła, pavodle Rybińskaha, nie było zafiksavana ni adnaho vypadku chabarnictva va ŭniviersitecie.

«Nielha vyhnać Biełaruś ź JEHU». Što kažuć byłyja vypuskniki Jeŭrapiejskaha humanitarnaha ŭniviersiteta pra svajo navučańnie tam

Sakretnyja vybary rektara ŭ JEHU: što pra ich viadoma

U Vilni prezientavali adukacyjny prajekt «Vaśminoh»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
daviedka/adkazać
04.02.2023
Jesłi čiełoviek takoj dobryj śpieciałist, to čieho žie on skitajetsia po Kazachstanam i Łitvam...
0
Totoro/adkazać
04.02.2023
V Biełarusi voobŝie riektory naznačajutsia čieriez łičnyje śviazi i potom tvoriat proizvoł. Vitiebskij institut razvitiia obrazovaniia tomu podtvierždieniie.
1
Stado biez vožaka/adkazać
05.02.2023
Dusia,vy pravy.Hdie biełorusy tam viečnaja skłoka i vorovstvo.Nie daj Boh pośle śvieržieniia riežima Łukašienko strana vierniotsia k parłamientskoj formie pravleniia.Možiet vsio taki  najdiotsia NACONALNYJ łidier. Sriedi sidielciev i pročich biehłych čto to nie nabludajetsia.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera