Karyna Kunhier, jakaja zdymała ździeki ź ludziej u Frunzienskim RUUS u 2020-m, syšła ź milicyi. Ale ź niuansam
Supracoŭnica milicejskaj pres-słužby Karyna Kunhier stała viadomaja paśla publikacyi «Bajpoła». U žniŭni 2020 hoda jana zdymała na videa źbićcio i prynižeńnie biełarusaŭ u aktavaj zale Frunzienskaha RUUS. Niadaŭna 28-hadovaja Kunhier syšła ź milicyi.
Karyna Kunhier. Fota: «Ukantakcie»
U 2020-m dziaŭčyna pracavała refierentam u hrupie infarmacyi i hramadskich suviaziaŭ Leninskaha RUUS. U pieršyja dni pratestaŭ jana była na ŭzmacnieńni i zdymała na videa, jak žorstka abychodziacca z zatrymanymi, jakich pryvieźli ŭ Frunzienskaje RUUS. Heta byli ludzi, jakija patrabavali sumlennaha padliku hałasoŭ na vybarach 9 žniŭnia 2020 hoda.
Frahmient videa
Kunhier rodam z Mazyra. Jana vučyłasia na fiłałahičnym fakultecie Mazyrskaha dziaržaŭnaha piedahahičnaha ŭniviersiteta imia Šamiakina. Była tam sakratarom fakulteckaj jačejki BRSM.
«Choča paśla zakančeńnia VNU abaviazkova pasprabavać svaje siły ŭ piedahahičnaj śfiery», — pisałasia na sajcie ŭniviersiteta. Ale pajšła dziaŭčyna pracavać nie ŭ škołu, a ŭ siłavyja orhany.
U milicyi Kunhier bolš nie pracuje — zvolniłasia. Ale kudy pajšła?
Ciapier Kunhier — sudovy vykanaŭca. Jana pracuje ŭ addziele prymusovaha vykanańnia Maskoŭskaha rajona Minska.
Heta abiacaje Kunhier pavyšeńnie zarobku i status dziaržsłužačaha.
«Naša Niva» — bastyjon biełaruščyny
PADTRYMAĆ
