Znajści
Ałharytmičny łacinski varyjant
03.02.2023 / 18:354RusŁacBieł

Ilja Mironaŭ paskardziŭsia na «Žiołtyje słivy»

Homielski vałancior Ilja Mironaŭ paskardziŭsia ŭ Ministerstva infarmacyi na prapahandyscki praŭładny pablik «Žiołtyje słivy», jahonuju skarhu zarehistravali. Pra heta aŭtar zvarotu daviedaŭsia z admysłovaha paviedamleńnia na svoj mabilny telefon, piša sajt «Štodzień».

Ilja Mironaŭ źviarnuŭsia ŭ Mininfarmacyi pa pryčynie taho, što ŭ kancy listapada 2022 hoda prapahandysty apublikavali materyjał paklopnickaha charaktaru, u jakim u jakaści ilustracyi vykarystoŭvalisia skrynšoty asabistaj staronki vałanciora «UKantakcie». Tekst supravadžaŭsia źnievažalnymi kamientaryjami ŭ adras Ilji Mironava.

U pryvatnaści, nieviadomy aŭtar vykarystoŭvaŭ u dačynieńni da aktyvista słovy «padła», «darmajed», «dehienierat», «hrafaman»… 

«Vyvučyŭšy hety telehram-kanał, možna zrabić vysnovu pra toje, što paciarpiełym ad aŭtara kanała staŭ nie tolki ja. U hetym kanale pastajanna publikujucca paviedamleńni z abrazami ŭ adras ludziej, jakich aŭtar abjadnoŭvaje ŭ hrupu «zmahary». Aŭtar dyskredytuje i stavić u prynižalnaje stanovišča peŭnuju sacyjalnuju hrupu hramadzian, tym samym ździajśniaje dziejańni, skiravanyja na raspalvańnie varažniečy, nianaviści i prynižeńnie hrupy asob pa prykmiecie prynaležnaści da peŭnaj sacyjalnaj hrupy», — zaznačaje aŭtar skarhi.

Ilja Mironaŭ bačyć u farmacie padačy infarmacyi na praŭładnym kanale prykmiety ździajśnieńnia kryminalnaha złačynstva, praduhledžanaha artykułam 130 KK Biełarusi (raspalvańnie varažniečy), za jaki praduhledžana pakarańnie da 5 hadoŭ turmy. Taksama, na jaho dumku, dziejańni aŭtaraŭ kanała možna kvalifikavać na asnovie art. 1 Zakona «Ab supraćdziejańni ekstremizmu».

Ilja Mironaŭ patrabuje vydalić paviedamleńnie, jakoje abražaje jaho i inšych biełarusaŭ, a taksama vynieści piśmovaje papiaredžańnie aŭtaru telehram-kanała «Žiołtyje słivy».

Raniej Ilja Mironaŭ padaŭ skarhu ŭ Śledčy kamitet na adyjoznaha prapahandysta Ryhora Azaronka, a taksama patrabavaŭ zavieści kryminalnuju spravu na načalnika izalatara ŭ Homieli. 

Ilja Mironaŭ pravioŭ hod za kratami, a ŭžo paśla taho dvojčy adbyvaŭ administracyjnyja aryšty.

Čytajcie taksama:

Były palitviazień padaŭ zajavu ŭ SK na prapahandysta Azaronka. Patrabuje zavieści spravu za raspalvańnie varožaści

Ilja Mironaŭ patrabuje zavieści kryminalnuju spravu na načalnika izalatara ŭ Homieli

«Navat bomž, jaki siadzieŭ sa mnoj, vykinuŭ ježu, jakuju vydali ŭ IČU». Ilja Mironaŭ raspavioŭ pra 12 sutak aryštu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Reśpiekt/adkazać
03.02.2023
Biaźmiežnaja pavaha sapraŭdnamu zmaharu. Ja b tak, vidać, nie zmoh - pabajaŭsia b.
0
Hryška/adkazać
03.02.2023
Niekudy prapau Rudź, Muchavozčyk, Łisatovič z saubiełki, ale źjaviłisia pamojnyja słivy...
0
Ilja/adkazać
05.02.2023
Mužik!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
1234
567891011
12131415161718
19202122232425
2627282930