Znajści
Ałharytmičny łacinski varyjant
03.02.2023 / 23:002RusŁacBieł

Polskija pamiežniki: Pravadniki nielehalnych mihrantaŭ časta vučacca ŭ biełaruskich VNU

Pres-słužba Polskaj pamiežnaj varty paviedamlaje, što za apošni tydzień polskija pamiežniki zatrymali siem pravadnikoŭ mihrantaŭ. A na padstavie infarmacyi, atrymanaj ad ich i inšych zatrymanych, možna skłaści ich pryblizny kalektyŭny partret.

Fota: Straż Graniczna

Pavodle polskich pamiežnikaŭ, pravadniki mihrantaŭ viarbujucca siarod maładych inšaziemcaŭ, jakija lehalna žyvuć u Biełarusi. Časta jany studenty biełaruskich VNU i pryjazdžajuć ź Iraka, Turcyi ci byłych postsavieckich respublik.

Im prapanujuć vysokija i nibyta lohkija zarobki, a kali jany na toje pahadžajucca, to prachodziać svojeasablivuju padrychtoŭku, kab viedać, jak pierasoŭvacca ŭ poli, ustaloŭvać kantakt z kurjeram, razmaŭlać ź mihrantami, u vypadku zatrymańnia — z polskimi słužbami, a taksama jak chutka viarnucca ŭ Biełaruś.

Na minułym tydni supracoŭniki Padlašskaha adździeła pamiežnaj varty zatrymali siemiarych takich pravadnikoŭ. Spačatku mužčyny zajavili, što jany sami inšaziemcy ź Siryi i Iraka, adnak pry rasśledavańni vyśvietliłasia, što nasamreč jany hramadzianie Turcyi, Irana, Turkmienistana i Azierbajdžana.

Usio heta, na dumku polskich pamiežnikaŭ, jašče raz paćviardžaje, «što ŭsio niezakonnaje pierasiačeńnie polska-biełaruskaj miažy štučna vyklikanaje i kantralujecca biełaruskimi słužbami dy złačynnymi hrupami, jakija ź imi supracoŭničajuć».

Jany rasceńvajuć hetu dziejnaść jak nadzvyčaj prybytkovy biznes, na jakim dobra zarablajuć jak biełaruskija śpiecsłužby, tak i vykanaŭcy. Tak, čałaviek, jaki pravodziŭ zamiežnikaŭ praz polska-biełaruskuju miažu, pavinien byŭ za vykananaje zadańnie atrymać 2,5 tysiačy dalaraŭ.

Čytajcie taksama:

Polskija pamiežniki źniali hrupu mihrantaŭ, jakija sprabavali pierajści miažu

Polskija pamiežniki apublikavali novaje videa, na jakim biełaruskija vajskoŭcy dapamahajuć mihrantam pierachodzić miažu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
1
Ха-ха
0
Ого
0
Сумна
0
Абуральна
19
0
SHOS /adkazać/
04.02.2023
Torhovla lud́mi da. Riežim on takoj.
0
Cim/adkazać/
04.02.2023
Soramna, chłopcy! A jašče kamsamolcy ...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930