Šolc: Ź Zialenskim «isnuje kansensus», što pa terytoryi Rasii nie buduć bić zachodniaj zbrojaj
Kancler Hiermanii Ołaf Šolc, adkazvajučy na pytańnie žurnalista Bild, ci jość damoŭlenaść z prezidentam Ukrainy Uładzimiram Zialenskim, što zachodniaja zbroja budzie vykarystoŭvacca tolki na terytoryi Ukrainy, a terytoryja Rasii nie budzie im atakavanaja, zajaviŭ: «Na hety kont isnuje kansensus».
Ołaf Šolc. Fota: Michael Sohn, AP
Akramia taho, kancler prakamientavaŭ niadaŭniuju zajavu Uładzimira Pucina, što Rasii «znoŭ pahražajuć niamieckimi tankami, na borcie jakich kryžy». Šolc skazaŭ, što słovy rasijskaha prezidenta — častka małazrazumiełych histaryčnych paraŭnańniaŭ, «jakija jon vykarystoŭvaje, kab apraŭdać svoj napad na Ukrainu».
«Ništo nie moža apraŭdać hetuju vajnu. Rasija viadzie biaźlitasnuju vajnu suprać Ukrainy», — dadaŭ Šolc. Hiermanija ž pryniała rašeńnie pieradać Ukrainie tanki dla taho, «kab jany mahli abaraniacca».
«My staranna ŭzvažvali kožnuju partyju zbroi, uzhadniajučy jaje z našymi sajuźnikami, pierš za ŭsio z Amierykaj. Taki sumiesny padychod praduchilaje eskałacyju vajny», — upeŭnieny kancler Hiermanii.
Čytajcie taksama:
Kancler Šolc: Naša meta jasnaja — u Rasii nie pavinna atrymacca zrušyć miežy z užyvańniem siły
WSJ: Heta nie Šolca zmusili pasłać tanki, a jon raskruciŭ Bajdena na «Abramsy»
ŚMI: Hiermanija ŭsio ž adpraŭlaje tanki Leopard va Ukrainu
