Kirujučaja frakcyja Viarchoŭnaj Rady paćvierdziła namier zvolnić ministra abarony Ukrainy
Siońnia źjaviłasia infarmacyja pra toje, što chutka va Ukrainie moža źmianicca ministr abarony. Alaksieja Reźnikava moža źmianić kiraŭnik raźviedki Kiryła Budanaŭ. U frakcyi «Słuha naroda» paćvierdzili namier zvolnić Reźnikava.
Frakcyja prahałasuje taksama za zvalnieńnie ministra pa pytańniach stratehičnych halin pramysłovaści Paŭła Rabikina. Jak miarkujecca, Reźnikaŭ zojmie jaho miesca, chacia raniej paviedamlałasia, što jaho pastaviać kiravać ministerstvam justycyi.
«Prajšło zakrytaje pasiadžeńnie frakcyi «Słuha naroda». Biez detalaŭ: situacyja ź biaśpiekaj va Ukrainie, dziejańni RF, abmiežavańnie vyjezdu za miažu, praca frakcyi ŭ 2023 hodzie, kadravyja ratacyi va ŭradzie.
Ministerstva abarony i Minstratehpram zvalniajem. Padajucca na pastajannych [ministraŭ] kiraŭniki SBU i MUS», — napisała nardep ad «Słuhi naroda», namieśnica staršyni kamiteta VRU pa pytańniach nacbiaśpieki, abarony i raźviedki Marjana Biazuhłaja.
DAPOŬNIENA. Kiraŭnik frakcyi David Arachamija paźniej paćvierdziŭ infarmacyi Biezuhłaj.
