FT: Rasija rychtuje maštabny nastup u bližejšyja 10 dzion
Na praciahu nastupnych 10 dzien Rasija płanuje pačać novaje maštabnaje nastupleńnie. Pra heta piša vydańnie Financial Times sa spasyłkaj na nienazvanaha daradcu USU. Metaj rasijskaha nastupleńnia vydańnie nazyvaje akupacyju ŭsiaho Danbasa.
Fota: AP
Kijeŭ atrymaŭ «vielmi nadziejnyja danyja raźviedki» pra namier RF pačać novy nastup. Paviedamlajecca, što nastup rasijskaha vojska moža pačacca ŭ rajonach haradoŭ Kramiannaja i Liman, dzie rasijanie ŭžo niekalki tydniaŭ kancentrujuć vialikija siły.
Akramia taho, Kreml naroščvaje kolkaść svaich vojskaŭ na poŭdni Danieckaj vobłaści, pierakidajučy dadatkovyja siły ŭ nasielenyja punkty vakoł Maryupala.
Metaj rasijskaha nastupleńnia vydańnie nazyvaje akupacyju ŭsiaho Danbasa.
Ananimny daradca USU taksama paviedamiŭ FT, što nastup rasijan, vierahodna, uznačalać elitnyja padraździaleńni.
Napiaredadni ministr abarony Ukrainy Alaksiej Reźnikaŭ zajaviŭ, što Kijeŭ čakaje novy nastup Rasii da kanca lutaha, ale hatovy jaho strymlivać. Reźnikaŭ skazaŭ, što nastup moža być prymierkavany da hadaviny pačatku vajny.
