Znajści
Ałharytmičny łacinski varyjant
06.02.2023 / 11:2331RusŁacBieł

«Patrebnaja raźviazka». Łukašenka padpisaŭ ukaz ab stvareńni kamisii dla pracy z achvotnymi viarnucca na radzimu

Alaksandr Łukašenka padpisaŭ ukaz ab stvareńni kamisii dla pracy z achvotnymi viarnucca na radzimu. Ab hetym jon zajaviŭ, prymajučy z dakładam hienieralnaha prakurora Andreja Švieda, paviedamlaje BiełTA.

«Adno z najvažniejšych pytańniaŭ. Ja siońnia padpisaŭ ukaz, jaki padrychtavany hrupaj śpiecyjalistaŭ na čale z vami ab razhladzie zvarotaŭ hramadzian Biełarusi, što znachodziacca za miažoj, pa pytańniach ździajśnieńnia imi pravaparušeńniaŭ. Heta jak raz toje pytańnie, jakoje my abmiarkoŭvali napiaredadni. Ja pahladzieŭ i skład [kamisii], i inšaje. Kali my niešta tut va ŭkazie nie praduhledzieli, dastatkova ŭłady ŭ hienieralnaha prakurora dla taho, kab zadziejničać uvieś dziaržaŭny aparat, dziaržsłužačych dla taho, kab vyrašyć hetuju prablemu z tymi źbiehłymi», — skazaŭ Łukašenka.

U skład kamisii siarod inšych uvajšli ludzi, jakija apynulisia ŭ liku «paciarpiełych» ad «ekstremisckaj» dziejnaści. «Hramadstva budzie razumieć, što rašeńni prymajuć nie Łukašenka, Švied i inšyja — ludzi, nadzielenyja ŭładaj. Naturalna, što my heta pavinny arhanizavać i być hałoŭnymi dziejučymi asobami. Ale i tyja, jakija bačyli, što adbyvałasia, i tryvali, i suprać ich ździajśnialisia niejkija akty hvałtu ci pravaparušeńni», — skazaŭ Łukašenka.

Taksama jon namiaknuŭ, što kamisija moža razhladać i spravy tych ludziej, jakija nie źjazdžali.

«Treba hladzieć nie tolki źbiehłych. Chtości z-pad plintusa vylezie — jany ž razumiejuć, što my ich usio roŭna znojdziem. Chtości źvierniecca ŭ kamisiju. Vy ŭ kamisii ŭžo raźbieraciesia», — dadaŭ Łukašenka.

Jon miarkuje, što za miažu źjechała 2 tysiačy biełarusaŭ, maksimum 4 tysiačy.

Jon abiacaje, što «usio budzie pa zakonie».

«Zajavu — u kamisiju (chočacie — pa internecie pieradavajcie, chočacie — u kanviercie pierasyłajcie) — my razhledzim lubuju vašu zajavu. Ale siłaj siudy ciahnuć, kab pasadzić, jak jany kažuć, abo kab pahavaryć z kimści, my nie źbirajemsia. Heta naša dobraja vola, my jaje prademanstravali. Kali łaska, źviartajciesia, budziem razhladać vašyja zajavy. Nie chočacie — siadzicie tam. Chočacie — vajujcie, chočacie padmiatajcie vulicu. Nie ŭsie ž mohuć vajavać navat, nie ŭsich ža voźmuć na front. Miacicie vulicu, myjcie posud. Chto bolš padrychtavany — buduć patrony padavać u Polščy ci Litvie. Heta ich vybar. My nikoha nie prymušajem i nie nastojvajem u hetym płanie», — zajaviŭ Łukašenka.

«Hetaje pytańnie niejak treba zdymać u hramadstvie. Patrebnaja raźviazka», — padsumavaŭ jon.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
7
Anatol Starkou/adkazać/
06.02.2023
I jašče adna zaŭvaha. Bo vy ž tut usie hramatnyja ŭ palitycy.
Pamiatajecie, bieł-čyrvona-biełyja, jak krakadajłavyja bčb ślozy lili adradžency i vy potym, kali padraśli, dy samastojna stali dastavać da kompaŭ i kryć Starkova, maŭlaŭ, kruhom ža rusifikacyja da akupacyja. Pamiatajecie? Dooobra pamiatajecie.
I voś vas adradženskaja Svaboda i polskija Chartyi97, NEXTA i tady jašče biełaruskija TUTbai padšturchnuli spačatku ŭ bčb škarpetkach prajścisia pa vulicach Minska letam-2020, a potym zvalić u Polšču, i inšyja demakratyčna raźvivajuščyjasiajaia krainy. A biełarusaŭ na Biełarusi stała mieniej. SKAŽIEM, na 100tysiač. Voś vam i rusifikacyja dy akupacyja da kučy, zroblenyja vašimi niežnymi hramatnymi ŭ palitycy bčb ručkami. 
5
Anatol Starkou/adkazać/
06.02.2023
nu i trećciaje i zvalivaju, kab nie zaminać vašamu bčb śviatu

iznoŭ biaru tuju ž samuju ličbu 100 tys źbiehłych
vy razumiejecie što jana nie ad fanara mnoj uziata. niachaj budzie 100 tys
pačynajučy z 1994 hodu, usio bčb nabirała ŭ rajońnie 500 tys hałasoŭ na vybarach
ja ŭ 2020-m taksama padličyŭ i na forumach skazaŭ bčb, što nabiarecie 500 tys hałasoŭ
apynułasia 570 tys. ja pamyliŭsia tamu, što zamiežža pavaliła na vybary-2020
sam stajaŭ 3,5 hadziny ŭ Ńju-Jorku, kab prahałasavać
nu zaraz nam zamiežnym šlach da hałasavańnia ŭłada zakryła
i byccam na Baćkaŭščynie zastajucca tyja ž 500 tys hałasoŭ
ale nie tak sioleta - ich stała ŭžo na 100 tysiač mieniej, dziakujučy tamu, što vam polskija klocki padabajucca lepiej, čym biełaruskija draniki
značyć zastałosia maksimum 400 tysiač bčb hałasoŭ

za što na Baćkaŭščynie hałasić budziem takoj mocnaj siłaj?
a za što chočaš
naprykład, za abladzianieńnie z Rasiejaj



0
Anatol Starkou/adkazać/
06.02.2023
Hryška , Chaču, Hryška, sapraŭdy chaču, ale nie pajedu. I nie z-za raju na Biełarusi ci adu ŭ ZŠA. a tamu, što nie chaču ryzykavać u 71 hod, bo jość vierahodnaść majho nieviartańnia da dački i ŭnukaŭ nazad u Amieryku.
Dyk voś chaču pabačyć siaścior i bratoŭ na raźvitańnie, a nie mahu kinuć dačku i ŭnukaŭ.
 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera