Znajści
Ałharytmičny łacinski varyjant
06.02.2023 / 13:574RusŁacBieł

«Moščy Jeŭfrasińni» — padrobka. Voś čamu

Učora źjaviłasia infarmacyja, što na aŭkcyjonie pradajucca moščy, jakija mahli naležać ci to śviatoj Jeŭfrasińni Połackaj, ci to śviatoj Paraskievie. Śćviardžałasia, što moščy zachoŭvalisia ŭ biskupa Balasłava Słoskansa.

Nibyta moščy biełaruskaj śviatoj źjavilisia ŭ prodažy na internet-aŭkcyjonie

Balasłaŭ Słoskans byŭ nie čužy dla biełarusaŭ čałaviek. Jon łatyš, ale rodam ź biełaruska-łathalskaha pamiežža. Va ŭmovach savieckich represij słužyŭ apostalskim administrataram Minskim i Mahiloŭskim, a paśla Druhoj suśvietnaj vajny apiekavaŭsia biełarusami-katolikami ŭ dyjaspary hetak ža, jak i katolikami-emihrantami z Łatvii i Estonii.

Dakumienty, napisanyja rukoj biskupa Słoskansa, zachoŭvajucca ŭ Skarynaŭskaj biblijatecy ŭ Łondanie, jakuju da samaj svajoj śmierci ŭznačalvaŭ apostalski vizitatar dla biełarusaŭ-katolikaŭ zamiežža, ajciec Alaksandr Nadsan.

Paśla źjaŭleńnia ŭ internecie infarmacyi pra vystaŭleńnie na aŭkcyjon «moščaŭ» pierajemnik ajca Nadsana, probašč biełaruskaj parafii ŭ Łondanie Siarhiej Stasievič, jaki apiakujecca biblijatekaj ciapier, u toj ža viečar adšukaŭ niekalki dakumientaŭ, napisanych rukoj biskupa Słoskansa. Darečy, biskup svabodna pisaŭ biełaruskaj łacinkaj, adno što z ułaścivymi Łathalii leksičnymi asablivaściami.

Dastatkova paraŭnać počyrk hetych listoŭ biskupa Słoskansa z počyrkam dakumienta, jaki jamu prypisvajecca, kab pabačyć, što počyrki nie supadajuć.

Nie supadaje i podpis biskupa. Voś jakim jon byŭ u sapraŭdnaści.

«Pracujcie, carissimo, pakul možacie», — źviartajecca biskup Balasłaŭ Słoskans na pačatku apošniaha abzaca hetaha lista. Carissimo — heta zvarot pa-italjansku, anałah našaha «daražeńki».

Akramia počyrku, jość i inšaja padstava dla sumnievu. Kali b u biskupa zachoŭvalisia moščy śviatoj, to pra heta viedali b źviazanyja ź im ludzi, u tym liku biełarus-biskup Časłaŭ Sipovič. Ale takoj infarmacyi niama.

Moščy śviatoj Jeŭfrasińni zachoŭvajucca ŭ Połacku. Pra moščy śviatoj Paraskievy ničoha nie viadoma, bo i sama jana, napeŭna, vydumany piersanaž — u lehiendzie pra jaje splalisia vobraz Jeŭfrasińni i inšych ludziej taho času.

Na dumku ajca Siarhieja Stasieviča, my majem spravu z padrobkaj, nakštałt tych, što fabrykujucca działkami ŭ śfiery antykvaryjatu. 

U hetym vypadku majem davoli hrubuju padrobku. Jaje aŭtary navat nie dali sabie pracy adšukać sapraŭdny počyrk i podpis Słoskansa i pasprabavać pieraniać jaho.

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Ramat ha golan/adkazać/
06.02.2023
Cikava, što tak zvanyja “moščy jeŭfrasińni połackaj” znachodchiacca u niekalkich miescach adnačasova. Pamiataju jak u dziacinstvie adrazu ŭbačyła ich u połacku, a zatym u kijevie praź niekatory čas. Nadta śmiešna heta ŭsie
2
Historyja/adkazać/
06.02.2023
Darahaja redakcyja Našaj Nivy. Zrabicie, kali łaska, razhornuty materyjał ź mierkavańniem admysłoŭcaŭ. Nie lanujciesia.

U krynicaznaŭstvie stolki asablivaściaŭ. Čałaviek moh pisać u rozny čas svajho žyćcia, pad čas roznych abstavinaŭ. Počyrk moh źmianiacca. Dy ŭvohule moh inšy čałaviek pisać.

A ŭ podpisu baču ahulnyja rysy, ale kaniešnie varyjanty roznyja.

Tut varta kompleksna raspytać roznych historykaŭ, jakija raźbirajucca i ŭ historyi katalictva, kalihrafii, krynicaznaŭstvie, łacinisty i h. d. A zaraz vielmi amatrskaja vysnova.

Nie rabicie adnaznačnyja vysnovy na adnym mierkavańni. 
3
set/adkazać/
06.02.2023
2023 obsuždajutsia kosti: poddiełka nie poddiełka. komu eto nužno
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera