Vajskovaja raźviedka Ukrainy nazvała try napramki, na jakich rasijskaja armija moža pajści ŭ nastupleńnie
Biełarusi siarod ich niama.
Fota Minabarony Biełarusi
«My vyznačyli, što nastupy vojskaŭ Rasii mohuć być u Danieckaj i Łuhanskaj abłaściach, a taksama, mahčyma, u Zaparožžy. Pry hetym u «Chiersonskaj vobłaści i ŭ Krymie rasijanie buduć vieści abaronu», — zajaviŭ śpikier Hałoŭnaha ŭpraŭleńnia raźviedki Minabarony Ukrainy Vadzim Skibicki.
Pavodle jaho danych, rasijskamu vojsku spatrebiacca jašče dva miesiacy, kab ukamplektavać novyja vajskovyja farmavańni. U HUR ličać, što Minabarony Rasii płanuje mabilizavać jašče ad 300 da 500 tysiač rasijan dla nastupalnych apieracyj na ŭschodzie i poŭdni Ukrainy viasnoj i letam 2023 hoda.
Raniej hazieta Financial Times paviedamiła, što Rasija ciaham nastupnych 10 dzion moža pačać bujnamaštabny nastup va Ukrainie — u rajonie Kramiannoj i Limana ŭ zachodniaj častcy Łuhanskaj vobłaści. Kiraŭnik vajennaj administracyi Łuhanskaj vobłaści Siarhiej Hajdaj paćvierdziŭ, što rasijskaja armija ściahvaje vojski ŭ hety rajon i moža pačać nastup paśla 15 lutaha.
