Zatrymali supracoŭnicu «Narodnaj Voli»
Joj staviać u vinu paviedamleńni ŭ telehramie.
Nastaśsia Šarkievič. Fota: ukantakcie
Siońnia na kanale HUBAZiK vyjšła videa z supracoŭnicaj «Narodnaj Voli» Nastaśsiaj Šarkievič, jakaja viadzie sacyjalnyja sietki vydańnia i była mieniedžarkaj pa rekłamie. Jana raspaviadaje pra toje, što niekalki razoŭ vychodziła na pratesty.
Siłaviki staviać joj u vinu paviedamleńni, pakinutyja ŭ telehramie. Ale kamu naležyć toj vydaleny akaŭnt, ź videa nie zrazumieła.
Nastaśsia Šarkievič niekali pracavała na Biełteleradyjokampanii, STV i telekanale «Mir». U jaje dvoje dziaciej. Da jaje prychodzili z vobšukam u kastryčniku 2020 hoda ŭ miežach pravierki pa palityčnaj kryminalnaj spravie.
«Narodnaja vola», dzie dziaŭčyna pracuje ciapier, nie pryznanaja ekstremisckaj, a niadaŭna byŭ razbłakavany sajt haziety.
