Znajści
Ałharytmičny łacinski varyjant
06.02.2023 / 21:4121RusŁacBieł

Viačorka: Viadziem pieramovy pra humanitarnyja kalidory dla biełarusaŭ

Siońnia demakratyčnaja lidarka Biełarusi Śviatłana Cichanoŭskaja źviarnułasia da biełarusaŭ na vypadak vajennych dziejańniaŭ. Jana skazała, što biełarusam važna pakłapacicca pra siabie i rodnych, zrabić zahadzia zachady, kab źbierahčy žyćci, znajści mahčymaje bambaschovišča, zapaścisia hrašyma, pravieryć chatniuju aptečku. Čamu zvarot da biełarusaŭ źjaviŭsia siońnia i jak da najhoršaha raźvićcia padziej rychtujucca demakratyčnyja siły Biełarusi, u intervju «Svabodzie» raskazaŭ staršy daradca Cichanoŭskaj Franak Viačorka.

Fota: Ofis Śviatłany Cichanoŭskaj

«Padrychtavanymi treba być zaŭždy», — kaža Viačorka. Jon miarkuje, što vajennyja dziejańni nie spynilisia, rasijskija vojski znachodziacca ŭ Biełarusi, novyja napady z boku Biełarusi nie vyklučanyja, tamu nie vyklučanyja i ŭdary ŭ adkaz.

«Ludzi pryvykajuć da vajny, užo nie čytajuć naviny, supakojvajucca, rassłablajucca, tamu treba nahadvać, kab pamiatali, kab byli padrychtavanymi. Kab kožny biełarus byŭ padrychtavanym», — havoryć Viačorka.

Pavodle daradcy Cichanoŭskaj, režym śviadoma ihnaruje pahrozu, sprabuje supakojvać nasielnictva, kab stvaryć adčuvańnie, što ŭsio pad kantrolem: ludziej nie infarmujuć pra bambaschoviščy, nie dajuć instrukcyi, što rabić u vypadku atak z pavietra.

«Situacyja na vajnie zaŭždy raźvivajecca niepradkazalna i raźvivajecca našmat chutčej, čym mnohija dumajuć. Łukašenka ž abraŭ taktyku poŭnaha zamoŭčvańnia, admaŭleńnia, vajennaha nihilizmu, maŭlaŭ, pakul ja trymaju situacyju pad kantrolem, vajny nie budzie. Ale my viedajem, što pierad vajnoj 24 lutaha 2022 hoda jon taksama abiacaŭ z Makiejem na paru, što nie budzie nijakaha nastupu. I my viedajem, čym heta ŭsio skončyłasia».

Viačorka kaža, što biełarusy pavinny rabić usio, kab praduchilić vajnu, «kab navat kali zahad budzie addadzieny, nie byŭ vykanany». Z druhoha boku, treba padrychtavacca maksimalna na vypadak eskałacyi.

«Heta značyć, kab biełarusy byli padrychtavanyja i kab była mahčymaść ludziam vyjechać», — udakładniaje jon.

Jon kaža, što z mahčymym adjezdam pakul składana — niama hatoŭnaści z boku zachodnich dziaržaŭ adkryvać humanitarnyja kalidory, ale Ofis takija pieramovy viadzie, kab uratavać jak maha bolš ludziej, kaža Viačorka.

Demakratyčnyja siły, Ofis Cichanoŭskaj, Kabiniet ciapier pracujuć nad niepubličnaj stratehijaj na «najhoršyja časy» ŭ vypadku niepasrednaha ŭdziełu biełarusaŭ u vajnie ci vajny na terytoryi Biełarusi.

Pavodle Viačorki, heta stratehija ŭtrymlivaje čatyry kirunki, u tym liku humanitarny, palityčny, infarmacyjny. Pa kožnym z napramkaŭ idzie praca z roznymi hrupami — i ŭnutry krainy, i z zachodnimi partniorami. Meta, pavodle jaho, — niedapuščeńnie ŭdziełu biełaruskich vajskoŭcaŭ u vajnie, dapamoha tym biełarusam, jakija praciahvajuć supraciŭ u Biełarusi, infarmacyjnaje supraćstajańnie kramloŭska-łukašenkaŭskaj prapahandzie.

U hetaj kampanii akramia palitykaŭ, kaža Viačorka, prymaje ŭdzieł i hramadzianskaja supolnaść, bo jana nie moža pravodzicca tolki Kabinietam ci Ofisam Cichanoŭskaj.

«Heta sprava supolnaja», — kaža palityk. Jon zaklikaje tych, chto žadaje dałučycca, źviartacca ŭ instytucyi, jakija realizujuć niejkuju častku płana — u «Bajpoł», jaki zajmajecca płanam «Pieramoha», da Valeryja Sachaščyka, jaki zajmajecca dobraachvotnikami, spartova-patryjatyčnaj padrychtoŭkaj biełarusaŭ, u arhanizacyi, jakija dapamahajuć represavanym, i prapanavać im svaju dapamohu.

Taksama važna dzialicca z demakratyčnymi siłami infarmacyjaj, jakaja moža dapamahčy ŭ pracy palitykaŭ, hramadzianskaj supolnaści. Hetaja infarmacyja moža tyčycca i situacyi ŭnutry režymu, i situacyi ŭnutry vojska, i situacyi, źviazanaj z vajnoj. «Infarmacyja dapamahaje i prymać pravilnyja rašeńni, i kaardynavać pracu», — kaža daradca Cichanoŭskaj.

Pavodle jaho, «ciapier situacyja ciažkaja, nie chapaje ruk, kab vykonvać usie zadačy».

Jon kaža, što, miarkujučy pa zajavach Łukašenki (zhadki pra połk Kalinoŭskaha, pra nibyta padrychtoŭku jaho zabojstva Zachadam), ułady rychtujuć uzmacnieńnie represij.

«Nam treba być padrychtavanymi da ciažkich časoŭ», — kaža Viačorka.

Čytajcie taksama:

Cichanoŭskaja zaklikała biełarusaŭ abdumać płan dziejańniaŭ na vypadak vajny

Pres-sakratarka Cichanoŭskaj patłumačyła, z čym byŭ źviazany ranišni zvarot

Sachaščyk: My raspaznajem prykmiety ahresii za 3—4 tydni da jaje pačatku i papiaredzim hramadstva

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
Azar/adkazać/
07.02.2023
Rałar, znoŭ “mocnaja ruka” i “stalnyja koki” patrebny vam?
1
priezidientutka/adkazać/
07.02.2023
pa chodu heta vy, akrom “mocnaja ruka” i “stalnyja koki” ničoha nie bačyli chiba moc sapraŭdnaha palityka ŭ hetym?
0
Čarhovaja utopija ad pana Viačorki/adkazać/
09.02.2023
Usie heta marnaja ideja, nie arhanizujuć, a voś zrabić vydaču viz heta realna i biaśpiečniej dla eŭropy ale jak ža ž ich zrabić, kali ambasady źjechali, vynik biełarusy źjeduć u rasieju, ruskija zasielać Biełaruś i na hetym finita la kamiedyja!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera