Znajści
Ałharytmičny łacinski varyjant
07.02.2023 / 10:332RusŁacBieł

Žarty skončylisia. Biaskoncy sieryjał ad štučnaha intelektu Nothing, Forever byŭ zabłakavany z-za adnaho vyrazu

Pryčyna błakiroŭki — vielmi nieprystojnyja žarty.

Fota: kadr ź sieryjała Nothing, Forever

Płatforma videatranślacyj Twitch minimum na 14 dzion zabłakavała akaŭnt, u jakim niejrasietka hienieravała biaskoncy sieryjał Nothing, Forever. Pra heta 6 lutaha napisaŭ časopis Vice.

Pa infarmacyi časopisa, heta adbyłosia amal adrazu ž paśla taho, jak štučny intelekt pakazaŭ scenu stendapa ź vielmi nieprystojnymi žartami na temu transhiendarnaści ŭ vykanańni Łary, adnaho z hałoŭnych hierojaŭ hetaha sieryjała.

«Tut kala 50 čałaviek, ale nichto nie śmiajecca. U kaho-niebudź jość prapanovy? Ja b moh raskazać vam pra toje, što transhiendarnaść nasamreč — heta psichičnaje zachvorvańnie. Abo što ŭsie libierały — tajemnyja hiei, jakija žadajuć naviazać astatnim svajo mierkavańnie. Abo niešta pra toje, jak transhiendary rujnujuć hramadstva. Ale nichto nie śmiajecca», — skazała niejrasietka vusnami Łary ŭ paŭpustym bary padčas virtualnaha stendapa.

Pa słovach aŭtaraŭ sieryjała, padobnyja pavodziny niejrasietki byli vyklikanyja prahramnym zbojem. Raspracoŭščyki z-za zavisańniaŭ sieryjała pieraklučylisia na inšuju i praściejšuju madel štučnaha intelektu z panižanymi maderacyjaj i analizam tekstu, što i naradziła padobny žart. 

«Ja chacieŭ by dadać, što ništo z taho, što było skazana, nie adlustroŭvaje mierkavańni raspracoŭščykaŭ, ci kaho-niebudź jašče z našaj kamandy», — napisaŭ adzin z aŭtaraŭ sieryjała, paabiacaŭšy, što padobnaje bolš nie paŭtorycca.

Nahadajem, što my ŭžo raniej pisali pra hety seryjał. Nothing, Forever — heta biaskoncaje šou ŭ žanry sitkama, zasnavanaje na kamiedyjnym sieryjale «Sajnfiełd» z 1990-ych. Sieryjał całkam hienierujecca štučnym intelektam, pry hetym hledačy mahli sami zadavać napramak siužetu praz čat na płatformie Twitch.

Čytajcie jašče:

Telegram vypuściŭ pieršaje ŭ hetym hodzie abnaŭleńnie. Pahladzieli, što novaha 

U YouTube dva karystalniki ciapier mohuć pravodzić sumiesnyja žyvyja tranślacyi

Google raskazaŭ pra 12 niebiaśpiečnych prahram dla Android. Voś čamu ich treba vydalić zaraz ža 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Ennot/adkazać/
07.02.2023
Dažie II ponimajet očievidnyje vieŝi
0
Hosť/adkazać/
07.02.2023
Nu tak kakaja žie eto novosť. Jeŝio Majkł Sevidž(Michael Savage) hovorił , čto libieralizm - eto rasstrojstvo uma(mental disorder).Eto i było podtvierždieno , kak tolko urovień modieracii(zombirovanija) był ohraničien , mašina srazu ‘'vydała'' vsie ‘'po-suŝiestvu''.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera