Znajści
Ałharytmičny łacinski varyjant
06.02.2023 / 23:162RusŁacBieł

Niekudy źnikli kiraŭnik adnaho z homielskich rajonaŭ i jaho namieśnica. Mahčyma, ich zatrymali

Homielskaje vydańnie «Mocnyja naviny» napisała, što jašče niekalki tydniaŭ tamu jaho čytač napisaŭ u redakcyju, što ŭ horadzie byŭ zatrymany kiraŭnik Čyhunačnaha rajona Alaksandr Sivakoŭ. Jaho, maŭlaŭ, vyvieli ŭ kajdankach z budynka administracyi. Taksama pastupała infarmacyja, što mahła być zatrymanaja i namieśnica kiraŭnika rajonnaj administracyi Natalla Žuk.

Alaksandr Sivakoŭ

Aficyjnaj infarmacyi pra zatrymańnie čynoŭnikaŭ dahetul niama, ale, pa čutkach, heta moža być źviazana z karupcyjaj. Paćvierdzić hetuju infarmacyju na hety momant vydańnie nie zdoleła, ale faktam zastajecca toje, što abaich čynoŭnikaŭ z taho času niama na pracoŭnym miescy.

U pryjomnaj rajonnaj administracyi paviedamili, što Alaksandr Sivakoŭ i Natalla Žuk znachodziacca na balničnych. Na aficyjnym sajcie ŭstanovy jany taksama pakul prysutničajuć.

«Mocnyja naviny» źviartajuć uvahu na toje, što ŭ biełaruskich umovach padrabiaznaści karupcyjnych spraŭ časta źjaŭlajucca paźniej, pryhadaŭšy niadaŭniuju hučnuju spravu byłoha ministra lasnoj haspadarki Vitala Droždžy. Na pačatku maja minułaha hoda jon byŭ źniaty z pasady z farmuloŭkaj «u suviazi z učynieńniem praviny, niesumiaščalnaj sa znachodžańniem na dziaržaŭnaj słužbie», a paźniej stała viadoma, što były ministr papaŭsia na chabarach. Niadaŭna sud prysudziŭ jamu siem z pałovaj hadoŭ turmy, skaraciŭšy hod pa amnistyi.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
daviedka/adkazać/sačyć
07.02.2023
Dva hoda nazad eti (i mnohije druhije isčieznuvšije) činovniki pomohli usidieť Łukašienko, a tiepieŕ sieli sami... 
07.02.2023
Tovariŝ Stališienko, proizošła čudoviŝnaja ošibka...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031