ŚMI: Kreml zahadaŭ padrychtavać usie bambaschoviščy ŭ Rasii
«Kamandu pačać maštabnuju pravierku i navieści paradak atrymali MNS, Minabarony i inšyja hramadzianskija ministerstvy».
Fota: vecteezy
Kreml zahadaŭ pravieści masštabny kompleks pravierak i adnaŭleńniaŭ usich u krainie bambaschoviščaŭ savieckich časoŭ. Pra heta 6 lutaha paviedamiła vydańnie The Moscow Times sa spasyłkaj na krynic u rasijskim kiraŭnictvie.
Pavodle infarmacyi vydańnia, heta padrychtoŭka ŭžo idzie niekalki miesiacaŭ i jana źjaŭlajecca śledstvam raznaradki z Maskvy ad 2022 hoda.
«Rašeńnie ab inśpiekcyi sietki bambaschoviščaŭ było pryniata ŭradam jašče viasnoj 2022 hoda. Kamandu pačać maštabnuju pravierku i navieści paradak atrymali MNS, Minabarony i inšyja hramadzianskija ministerstvy», — skazaŭ adzin nienazvany rasijski čynoŭnik spasyłajučysia na pasiedžańni ŭrada pa dadzienym pytańni.
Toje ž samaje paviedamiŭ i vysokapastaŭleny čynoŭnik z administracyi adnoj z dalokaŭschodnich abłaściej Rasii.
«Z Maskvy byŭ dadzieny zahad pravieści hetyja raboty paŭsiudna: ahlad i ramont», — skazaŭ jon.
Pa źviestkach krynic, padrychtoŭka budzie praciahvacca ŭvieś 2023 hod i budzie kaštavać miascovym biudžetam minimum sotni miljonaŭ rasijskich rubloŭ. Robicca heta z-za zaciahvańnia vajny va Ukrainie i strachu pierad mahčymym pieratvareńniem kanfliktu ŭ niešta hłabalnaje.
Naprykład, adzin z byłych rasijskich čynoŭnikaŭ raskazaŭ, što pavyšanaja cikavaść da bambaschoviščaŭ u Kramla ŭźnikła na fonie zahada Uładzimira Pucina u kancy lutaha 2022 hoda pieravieści jadziernyja siły ŭ stan pavyšanaj hatoŭnaści.
«Pavyšanaja hatoŭnaść — heta tolki viarchuška ajśbierha. Bambaschoviščy i inšyja abjekty hramadzianskaj abarony — heta jaho padvodnaja častka», — adznačyŭ były čynoŭnik.
Jak paviedamlajuć krynicy vydańnia, u Rasii ahułam jość niekalki tysiač bunkieraŭ i inšych umacavanych schoviščaŭ, ale pry hetym bolšaja častka ź ich abo zakansiervavana, abo daviedziena miascovymi ŭładami da avaryjnaha ci zakinutaha stanu, abo prosta raspradadziena ci zdadziena ŭ arendu pryvatnym asobam.
Akramia taho, daloka nie ŭsie ź ich u svaim ciapierašnim stanie zmohuć pryniać choć jakuju-niebudź značnuju kolkaść nasielnictva.
«Hetyja bambaschoviščy paśla raspadu Savieckaha Sajuza byli nikomu nie patrebnyja. Ale zaraz, z-za situacyi na pieradavoj, Kreml zahadaŭ va ŭsim razabracca», — paviedamiŭ vydańniu jašče adzin dziejny čynoŭnik u adnoj z zachodnich abłaściej krainy.
Nahadajem, što jašče vosieńniu minułaha hoda ŭ ŚMI stała źjaŭlacca infarmacyja pra padrychtoŭku bambaschoviščaŭ u rasijskich haradach. U toj ža čas i amal sinchronna z hetym MNS Biełarusi taksama zahavaryli pra bambaschoviščy i ich kolkaść «na vypadak pahrozy abo nadzvyčajnaj situacyi».
Čytajcie jašče:
Cichanoŭskaja zaklikała biełarusaŭ abdumać płan dziejańniaŭ na vypadak vajny
«Nieprystupnaja krepaść». Hienierał USU patłumačyŭ, čamu rasijanie nie mohuć zachapić Bachmut
FT: Rasija rychtuje maštabny nastup u bližejšyja 10 dzion
