Švied acaniŭ škodu, naniesienuju BSSR u hady vajny
Hienprakuror Andrej Švied u efiry prahramy «Razmova ŭ prezidenta» nazvaŭ acenku materyjalnaj škody, naniesienaj u časy vajny BSSR. Kamisija ličyć škodu ŭ zołacie, a zatym pieravodzić u dalary.
«U kastryčniku minułaha hoda zaviaršyła rabotu śpiecyjalnaja ŭradavaja kamisija, jakaja vyznačała materyjalny ŭron, naniesieny ŭ hady Vialikaj Ajčynnaj vajny BSSR. Takaja praca była praviedzienaja, i siońnia (u paniadziełak) taksama dałožana kiraŭniku dziaržavy, što minimalnaja suma materyjalnaj škody składaje 43,5 tys. t zołata, albo ŭ ciapierašnim kursie dalara ZŠA — 2 tryljony 300 miljardaŭ. Heta značyć, u zaležnaści ad kursu dalara my siońnia pra toje, što naniesienaja niamiecka-fašysckimi akupantami pramaja materyjalnaja škoda aceńvajecca dla Respubliki Biełaruś u sumie nie mienš za 2 tryljony 300 miljardaŭ dalaraŭ ZŠA», — skazaŭ Švied.
Taksama hienprakuror raskazaŭ, što ŭ vyniku pracy kamisii vyjaŭlena, što było poŭnaściu ci častkova spalena 10500 viosak, a zahinuli 3 miljony čałaviek.
Narmalna hučyć? "Zakon suroŭ, no on zakon!"? Prykładna hetak ža hučać zaraz prysudy "biełaruskich" sudoŭ za palityčnuju dziejnaść asobnych ludziej. Usio ŭ adpaviednaści ź dziejučym zakanadaŭstvam.
Voś tolki, kab historyjaŭ z Vašaj vioskaj i Ołaj bolš nie paŭtarałasia, i była ŭ 1948 hodzie pryniataja Usieahulnaja dekłaracyja pravoŭ čałavieka i Mižnarodnyja pakty ab pravach da jaje, na jakija siońnia plujuć faktyčnaja ŭłady Biełarusi. A tut jany padličyli niejkuju škodu i niešta tam pradjaŭlajuć...