Rasijskija telekanały pierastali publikavać svoj kantent na YouTube
Čakajecca błakiroŭka videachostynha?
Krynicy telehram-kanała «Baza» paviedamili, što adpaviednaje rasparadžeńnie daŭ hiendyrektar chołdynha «Hazpram-Miedyja» (u jaho ŭvachodziać papularnyja rasijskija kanały) Alaksandr Žaraŭ.
Akaŭnty telekanałaŭ «Matč TB» i «Piatnica» nie abnaŭlajucca tydzień. Na akaŭncie TNT za hety čas vyjšli niekalki videa, adnak, mahčyma, mieniedžary vykłali videa pa zvyčcy. A na akaŭncie NTV ničoha nie vychodzić z 2 sakavika minułaha hoda: jaho ŭ miežach sankcyj zabłakavaŭ sam chostynh.
Pry hetym na RuTube (rasijskim anałahu YouTube) kantent prajektaŭ HPM praciahvaje źjaŭlacca.
Rasparadžeńnie Žarava moža być źviazanaje z mahčymaj błakiroŭkaj placoŭki, pra jakuju časta havorać rasijskija čynoŭniki, a taksama kiraŭnik PVK «Vahnier» Jaŭhien Pryhožyn.
