Byłuju supracoŭnicu «Biełahra» asudzili za ŭdzieł u pratestach na hod kałonii
U sudzie Maskoŭskaha rajona Minska 30 studzienia asudzili palitźniavolenuju Kaciarynu Jakaŭlevu pavodle č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich) Kryminalnaha kodeksa. Sudździa Lidzija Cialica pryznačyła Kaciarynie adzin hod pazbaŭleńnia voli ŭ kałonii va ŭmovach ahulnaha režymu.
Spravu pačali razhladać 26 studzienia, a 30-ha — asudzili.
Kaciaryna Jakaŭleva — hramadzianka Rasijskaj Fiederacyi, supracoŭnica «Biełahra». Była zatrymanaja paśla vobšukaŭ u arhanizacyi 29 vieraśnia 2022 hoda. Stała viadoma, što Kaciarynu pieraviali ŭ SIZA pavodle abvinavačvańnia ŭ aktyŭnym udziele ŭ hrupavych dziejańniach, jakija hruba parušajuć hramadski paradak (č. 1 art. 342 Kryminalnaha kodeksa).
Padtrymajcie palitźniavolenuju: SIZA-1. 220030, h. Minsk, vuł. Vaładarskaha, 2 (Kaciaryna Alaksandraŭna Jakaŭleva)
