Znajści
Ałharytmičny łacinski varyjant
07.02.2023 / 18:30RusŁacBieł

U minski Vierchni horad zajechać na mašynie budzie jašče ciažej, asabliva pa vychadnych

Ciapier zajechać na aŭtamabili ŭ minski histaryčny kvartał u miežach pł. Svabody — vuł. Internacyjanalnaja — vuł. Zybickaja stanie jašče ciažej. Prapuskać mašyny sistema budzie tolki ŭ budnyja dni i tolki pry najaŭnaści svabodnych miescaŭ, piša «Anłajnier».

U stalicy na terytoryju Vierchniaha horada ŭžo daŭno prosta tak nie prajedzieš. Parkoŭki tut samyja darahija ŭ horadzie (pa 5 rubloŭ za pieršuju hadzinu), dziejničaje adnabakovy ruch i daŭno staić šłahbaum na ŭjeździe na tusovačnuju vuł. Zybickuju z boku vuł. Internacyjanalnaj.

Šłahbaum staić nastolki daŭno, što niekatoryja kiroŭcy nałaŭčylisia abjazdžać jaho. Ale raniej jon pracavaŭ pa pryncypie adkrytaj parkoŭki: zajazdžać moh chto zaŭhodna. Nie znajšoŭ volnaha miesca — ci na vyjezd, abo pakidaj mašynu niejak tak.

Ciapier ža tam pracuje aŭtamatyzavanaja sistema. Jana prapuścić mašynu tolki tady, kali jość svabodnyja lehalnyja miescy dla stajanki. Sihnalizavać pra heta budzie ekran z nadpisam «Svabodna». A kali budzie napisana «Zaniata», to šłahbaŭm prosta nie padymiecca.

Kala parkovačnych miescaŭ ustanoŭlenyja stendy ź instrukcyjami pa apłacie. Taryf — 5 rubloŭ za pieršuju hadzinu, kožny nastupny — jašče pa 2 rubli. Pieršyja 10 chvilin biaspłatnyja (dla taho, kab zabrać pasažyraŭ, u tym liku i dla taksi).

Akramia taho, znakami abmiežavali dostup dla transpartu na vychadnyja. Tam źjaviłasia «cahlina» z tabličkaj «Akramia śpiectranspartu» i jašče adnoj — jakaja pakazvaje časavyja ramki — z 20:00 piatnicy da 8:00 paniadziełka.

Padobnaja sistema z ekranami z hetaha času pracuje i pry ŭjeździe na parkoŭku na płoščy Svabody (z boku jak Internacyjanalnaj, tak i Lenina). Adnak znaka, jaki abmiažoŭvaje ŭjezd, niama. Heta značyć, pa vychadnych dostup zachoŭvajecca.

Takim čynam, usia terytoryja histaryčnaha kvartała, akramia płoščy Svabody, pavinna na vychadnych stać piešachodnaj zonaj.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera