Znajści
Ałharytmičny łacinski varyjant
07.02.2023 / 19:522RusŁacBieł

Minski teatr «Źnič» staić pierad pahrozaj zakryćcia

Dyrektarku i mastackuju kiraŭnicu teatra adnaho aktora «Źnič» Halinu Dziahilevu adpravili na piensiju, a śpiektaklaŭ va ŭstanovie niama z vosieni. Infarmacyju pra heta Zerkalo.io zaŭvažyła na aficyjnaj staroncy Biełdziaržfiłarmonii ŭ fejsbuku.

Halina Dziahileva padčas adnaho sa śpiektaklaŭ teatra. Fota: bntu.by

Ci budzie pracavać teatr paśla sychodu dyrektarki — niezrazumieła, isnuje realnaja ryzyka jaho stracić. Jak raskazali «Zierkału» surazmoŭcy sa śfiery kultury, zvalnieńnie Dziahilevaj nie było palityčnym. U hetym hodzie aktrysie spaŭniajecca 76 hadoŭ, tamu heta mahło być i prosta pa ŭzroście. 

Kudy bolšy ŭdar pa teatry naniesła toje, što ŭ vieraśni 2022 hoda ŭłady prypynili pracu Čyrvonaha kaścioła — mienavita jon z kanca dzievianostych staŭ placoŭkaj dla «Źniča»: tam była abstalavanaja śpiecyjalnaja zała. Z taho času śpiektaklaŭ bolš nie pravodziłasia. Apošniaje abnaŭleńnie afišy datavanaje jakraz vieraśniem.

Zatym pamior Viačasłaŭ Šakalida — adziny aktor, jaki byŭ u štacie teatra.

«Źnič» nie pracuje ŭžo amal 5 miesiacaŭ. U štacie niama nivodnaha akciora, pasada dyrektara i mastackaha kiraŭnika vakantnyja — pra novaje pryznačeńnie ničoha nie paviedamlałasia. Isnuje niebiaśpieka, što hety teatr uvohule źniknie.

Teatr «Źnič» źjaviŭsia ŭ 1989 hodzie, svoj pieršy śpiektakl pakazaŭ praz hod u Połacku. Zasnavalnicaj «Źniča» była Halina Dziahilevajakaja da taho 17 hadoŭ (1968-1985) pracavała ŭ viciebskim teatry imia Jakuba Kołasa.

Śpiektakli hetaha teatra pakazvalisia na fiestyvalach jak u Biełarusi, tak i za miažoj.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Aleś/adkazać/
07.02.2023
U hetym teatry ŭsie spektakli byli na biełaruskaj movie. Jon byŭ zdajecca adnym ź piaci/šaści teatraŭ u krainie, dzie vyklučna ŭsie śpiektakli išli pa-biełarusku (taksama byŭ Kupałaŭski, TIUH...) Z Kupałaŭskim usim viadomaja historyja, u TIUHu ciapier taksama dadali śpiektakli na ruskaj. Nu zaraz i Źnič źnikaje.
0
Woodoo Cult /adkazać/
11.02.2023
Jesť! Jesť novyj diriektor tieatra! Mołodoj. Tolko 50 ispołniłoś!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera