«Nie chaciełasia chadzić na nielubimuju pracu». U Mahilovie chłopiec sam praciahnuŭ sabie balničny i patrapiŭ pad kryminałku
U mahiloŭskuju milicyju źviarnuŭsia śpiecyjalist adździeła kadraŭ adnoj z arhanizacyj i paviedamiŭ, što ślesar pa ramoncie aŭtamabilaŭ padaŭ listok niepracazdolnaści, vydadzieny jamu paliklinikaj, z prykmietami padrobki. Paśla taho ŭ 20-hadovaha supracoŭnika hetaj arhanizacyi pačalisia vialikija niepryjemnaści.
Ekśpiertyza zaśviedčyła, što dakumient sapraŭdy padrobleny, u im 10 śniežnia 2022 hoda było vypraŭlenaje na 13 śniežnia.
Chłopiec pryznaŭsia, što «praciahnuŭ» sabie balničny śviadoma. Pavodle jaho, jamu nie chaciełasia chadzić na nialubuju pracu, na jakuju jon nakiravany pa raźmierkavańni. U niejki momant jon advažyŭsia na prahuły ŭ nadziei, što heta šlach da zvalnieńnia. Ale praz paru dzion zvalniacca pieradumaŭ i vyrašyŭ taki vyjści na pracu, prykryŭšy prahuły vypraŭlenaj dataj u listku niepracazdolnaści.
U vyniku jamu ciapier pahražaje kryminalnaja adkaznaść za padrobku i vykarystańnie padroblenaha dakumienta.
