Znajści
Ałharytmičny łacinski varyjant
08.02.2023 / 00:0412RusŁacBieł

«Dla palakaŭ piražki z bulbaj abo sočniki — heta navina». Biełarusy ŭ Varšavie adkryli kaviarniu «Kakao»

Niekalki miesiacaŭ tamu ŭ Varšavie adkryłasia biełaruskaja kaviarnia z chatniaj vypiečkaj pa siamiejnych i rehijanalnych receptach. Na polski rynak našy suajčyńniki vyjšli pryblizna try miesiacy tamu i pakul što pracujuć u testavym režymie. «Radyjo Unet» pakaštavała tam chatnich słodyčaŭ i pad kubak duchmianaj kavy parazmaŭlała z uładalnikam «Kakao» Jaŭhienam Skrabutanam.

Zasnavalniki kaviarni pakul što šukajuć aptymalny hrafik, znajomiacca z klijentami, vyvučajuć popyt i ekśpierymientujuć ź mieniu. Prapanujuć to vatruški, to śmiatańniki, to sinabony. Jak haračyja piražki (a ŭ prodažy jość i jany) raźlatajucca areški sa zhuščonkaj. Dobra ŭ biełarusaŭ pradavaŭsia i chatni chleb. Ad jaho vyrabu, praŭda, vyrašyli časova admovicca. Zatoje stali piačy sočniki z tvarahom i navat rabić cukierki.

Pakul što i sam Jaŭhien Skrabutan zajmajecca nie tolki arhanizacyjnymi spravami, a i staić za pryłaŭkam hetaha nievialičkaha pamiaškańnia na vulicy Hrachoŭskaj u rajonie «Paŭdniovaja Praha». Kaviarnia «Kakao» znachodzicca nasuprać tramvajnaha prypynku Kickiego. Pobač — studenckija internaty. Miesca davoli žyvoje i «prachadnoje», raspaviadaje Jaŭhien.

— Da taho, jak arandavać pamiaškańnie, ja navat siadzieŭ na łavačcy nasuprać i prykidvaŭ, kolki tut chodzić ludziej, jakija heta ludzi. Niekatorych rečaŭ uličyć tak i nie atrymałasia. Naprykład, tut niama šmatpaviarchovikaŭ. Ludziej šmat, ale pałova ź ich — ludzi stałaha vieku. Chacia, jak potym akazałasia, polskija piensijaniery vielmi lubiać zachodzić da nas na kavu. Jość klijenty, jakija spačatku pjuć espresa, a potym pihułku ad cisku: nie mohuć sabie admović u zadavalnieńni.

— Dzień dobry, — u kaviarniu zachodzić akurat adna sa stałych naviedvalnic «Kakao». Ci časta jana siudy prychodzić, ci ŭsio padabajecca?

— Ja prychodžu i vielmi zadavolenaja. Tut śviežaja vypiečka, takoj ciapier u Polščy mała. Ja jašče i amatarka kavy, dobraj kavy. Voś ciapier vypju espresa i pajdu. Dobraje miesca. I ŭpryhožyła, razbaviła tut našu prastoru. Pobač jość jašče adna kaviarnia, ale tam ja nie da kanca pierakananaja. Voś tolki miesca tut małavata, ale zroblena ŭsio dobra.

Kaviarnia i sapraŭdy zusim nievialičkaja — chutčej, farmatu take away. Utulnaja, śvietłaja. Ścieny ŭpryhožvaje rośpis biełaruskaj mastački Tašy Kacuby. Usia vypiečka «Kakao» pakul što robicca doma. «Što ŭ niejkim sensie stvaraje prablemu», — raskryvaje ŭnutranuju kuchniu biznesu Jaŭhien Skrabutan.

— Z hetaj pryčyny admovilisia, naprykład, ad sinabonaŭ, bo pavodle tradycyi, jany pavinny padavacca ciopłymi. Chacia ludzi fanacieli i jeli ich i tak. Ale heta było troški niapravilna. Kali my zrobim tut kuchniu, kupim duchoŭku, to vierniemsia da hetaj pazicyi i budziem prapanoŭvać ludziam śviežyja haračyja sinabončyki.

A kaliści — chacia davoli ciažka heta ŭjavić, bo tak zachoplena raspaviadaje Jaŭhien pra svaju kaviarniu — jon maryŭ pra ŭłasny bar, dzie buduć źbiracca siabry i znajomyja, jakich u Polščy vielmi šmat.

— Ale z-za taho, što ŭ majoj siamji zaŭsiody była tradycyja vypiakać, my vyrašyli pasprabavać. Akazałasia, što ludzi fanaciejuć pa aŭsianym piečyvie, a z palakami ŭvohule cikava. Dla ich, skažam, piražki z bulbaj abo sočniki — heta navina.

— Jaŭhien, jak źmianiŭsia śviet, kali vy stali na jaho hladzieć adsiul, z-za pryłaŭka?

— Pra ludziej ničoha novaha nie daviedaŭsia. Zatoje bolš pačaŭ raźbiracca ŭ chlebabułačnych vyrabach. Ja nie viedaŭ i nie źviartaŭ uvahi na toje, što absalutnaja bolšaść bułačak u Polščy — zamarožanyja. Piakarni ich tolki razahravajuć, i heta ŭ niekalki razoŭ dazvalaje źnizić sabiekošt. Adzin i toj ža kruasan budzie pradavacca ŭ «Biadroncy» za 2 złotych, a ŭ «Hžybkach» — za 6. Pytańnie tolki, chto jak padsmažyć. Mnie ciapier śmiešna hladzieć na ludziej, jakija stajać u čerhach u «Lubašcy», bo časta taki samy chleb možna kupić u «Lidle» ci «Biadroncy».

— A nie strašna było ŭsio heta pačynać?

— Vielmi strašna. Ale kali my ŭsio padličyli, to zrazumieli, što kali raptam nie atrymajecca, to hrošy, jakija my stracim, nie takija ŭžo i vialikija. Uvohule, mnie vielmi padabajecca sustrakacca z klijentami, jany adrazu zadajuć miljard pytańniaŭ. Akazvajecca, što ŭ mnohich palakaŭ jość svajaki, biełaruskija karani. I my možam hadzinami pra heta razmaŭlać. Znoŭ ža, chočacca nahadvać ludziam, što my nie ahresary, što my pavinny siabravać. I heta vielmi dobra atrymlivajecca.

Całkam intervju možna prasłuchać na sajcie radyjo Unet.

Čytajcie taksama:

Biełarusy adkryli ŭ Vilni karčmu ŭ domie, dzie Kalinoŭski źbiraŭsia z paŭstancami

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
Maksim Dizajnier/adkazać/
09.02.2023
Kasia,

Puskaj žarit porosiat na viertiele, samych vkusnych v horodie, ili burhiery s sojej v kostiumie poliniezijca, jeśli viehan. Skolko možno etim kofie farcievať? Posmotritie, kak japoncy vkałyvajut. Prihoniajet na horbu raskładnuju kuchniu, čas sobirajet, podklučajet haz, čas raskładyvajet produkty, hotovit horiačije bluda, raźlivajet pivas, čas sobirajet, na horbu obratno taŝit. Solidarnosť. Zadrała eta sierosť. Pirožki s kartoškoj, chorošo, čto nie morkovkoj. Nočju v Minskie niekuda schodiť porosienka na viertiele, ili ramien za normalnyje dieńhi požrať. Odni ylitnyje bordieli i kazino.
0
Maksim Dizajnier/adkazać/
09.02.2023
dočka Maksima Dizajniera,

Za čiernyj triufiel - eto normalno. Skažitie spasibo, čto v etu dierievniu vam jeho voobŝie zavieźli. Otviečaja na priedyduŝij kommient. Chipstier i čieburiek po cienie stiejka kupit, jeśli vokruh budut sidieť ili stojať v očieriedi jeŝie nieskolko takich žie dizojnierov.
0
Aresa/adkazać/
09.02.2023
Peraprašaju. Admysłova prasłuchaŭ aŭdyjotrek. Ja pamyliŭsia. Prašu spadara Skrabutana mianie prabačyć. Vielmi ŭžo dastali za apošnija try hady infanciły nia zdolnyja padtrymać movu svajoj krajiny. Darujcie. A ty, Vałodzia, jdzieš lesam...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera