Nastaŭnika historyi za ŭdzieł u akcyi pratestu ŭ 2020 hodzie asudzili da «chatniaj chimii»
U sudzie Kastryčnickaha rajona Minska 7 lutaha byŭ vyniesieny prysud žycharu Motala Siarhieju Koziełu, abvinavačanamu ŭ arhanizacyi i padrychtoŭcy dziejańniaŭ, jakija hruba parušyli hramadski paradak pavodle č. 1 art. 342 Kryminalnaha kodeksa, piša «Viasna».
Spravu razhladaŭ sudździa Alaksandr Rudenka.
Siarhiej Kozieł byŭ zatrymany ŭ pačatku śniežnia 2022 hoda i da suda źmieščany ŭ SIZA №1.
Viadoma, što da zatrymańnia Siarhiej pracavaŭ nastaŭnikam historyi ŭ minskaj škole № 30. Mužčyna skončyŭ histfak BDU i jašče sa školnych hadoŭ vielmi zachaplaŭsia vyvučeńniem historyi.
Za ŭdzieł u akcyi pratestu 26 kastryčnika 2020 hodzie jon byŭ pakarany administracyjnym aryštam na 14 sutak.
Sud pryznaŭ jaho vinavatym i asudziŭ da abmiežavańnia voli biez nakiravańnia va ŭstanovu adkrytaha typu terminam na try hady («chatniaja chimija»).
Siarhieja vyzvalili z-pad aryštu ŭ zale suda.