Fizasoby ŭ Biełarusi ŭ studzieni pradali najaŭnaj valuty bolš, čym kupili
Fizasoby ŭ Biełarusi ŭ studzieni pradali na $89,2 młn najaŭnaj zamiežnaj valuty bolš, čym kupili. Pra heta śviedčać statystyčnyja danyja Nacyjanalnaha banka.
Ahulny abjom pradadzienaj fizičnymi asobami najaŭnaj zamiežnaj valuty ŭ studzieni skłaŭ $548,2 młn, nabytaj — $459 młn.
U svaju čarhu kupla bieznajaŭnaj zamiežnaj valuty nasielnictvam u studzieni pieravysiła prodaž bolš čym na $149 młn. Ahulny abjom nabytaj fizičnymi asobami bieznajaŭnaj zamiežnaj valuty skłaŭ $312,9 młn, pradadzienaj — $163,2 młn.
Takim čynam, u studzieni ahulny abjom nabytaj fizičnymi asobami najaŭnaj i bieznajaŭnaj zamiežnaj valuty pieravysiŭ jaje prapanovu na $60,4 młn.
Subjekty haspadarańnia — rezidenty Biełarusi — u studzieni taksama vystupali ŭ roli čystych pakupnikoŭ zamiežnaj valuty. Zychodziačy sa źviestak Nacyjanalnaha banka pradpryjemstvy kupili na $14,4 młn valuty ŭ ekvivalencie bolš, čym pradali.
Ahulny abjom nabytaj jurydyčnymi asobami zamiežnaj valuty ŭ studzieni skłaŭ $1,871 młrd, pradadzienaj — $1,857 młrd.
