U Turcyi niama suviazi ź piaćciu biełarusami
«Pa stanie na 7 lutaha pa vynikach praviedzienaj pracy nie ŭdałosia źviazacca z dvuma paŭnaletnimi i tryma niepaŭnaletnimi hramadzianami Biełarusi ŭ haradach Antakja i Kachramanmaraš», — raspavioŭ BiełTA supracoŭnik biełaruskaha pasolstva.
Nastupstvy ziemlatrusu ŭ Turcyi. Fota: AP/Kamran Jebreili
Pa stanie na ranicu 8 lutaha ambasada vałodaje infarmacyjaj i ab tym, što hramadzianka Biełarusi, jakaja pražyvaje ŭ horadzie Antakja (pravincyja Chataj), žyvaja. Jana znachodzicca ŭ balnicy ŭ horadzie Adana. Jaje muž — hramadzianin Turcyi — pamior u balnicy. Miescaznachodžańnie ich małoha dziciaci pakul nie ŭstanoŭlena. Pra stan biełaruski aficyjnaj infarmacyi niama.
Što tyčycca jašče adnoj hramadzianki Biełarusi i jaje dvuch niepaŭnaletnich dziaciej, jakija pražyvajuć u horadzie Kachramanmaraš, to da hetaha momantu suviaź ź imi nie ŭstanoŭlena, paviedamili ŭ pasolstvie.
