Znajści
Ałharytmičny łacinski varyjant
08.02.2023 / 17:002RusŁacBieł

Prava vystupać u futbolnaj Vyšejšaj lizie atrymali pakul tolki 11 kłubaŭ z 16-ci

Licenzii, jakija dazvalajuć kłubam vystupać u Vyšejšaj lizie čempijanatu Biełarusi pa futbole, atrymali tolki 11 kłubaŭ. Takoje rašeńnie pryniata na pasiadžeńni Kamiteta pa kłubnym licenzavańni ABFF.

Fota: abff.by

Prava vystupać u Vyšejšaj lizie atrymali BATE, «Homiel», bresckaje «Dynama», minskaje «Dynama», «Isłač», «Minsk», «Nioman», «Enierhietyk»-BDU, «Słavija-Mazyr», «Tarpieda-BiełAZ», «Šachcior».

U toj ža čas kamitet admoviŭ u atrymańni licenzii FK «Biełšyna» za parušeńnie artykuła 57 (finansavy kryteryj), FK «Naftan» — artykuły 17-1 (spartyŭny kryteryj), FK «Słuck» — artykuły 40 (kadravy kryteryj), FK «Smarhoń» — artykuły 17, 17-1 (spartyŭnyja kryteryi), 29, 42, 45, 46 (kadravyja kryteryi).

Futbolnyja kłuby majuć prava padać apielacyju na rašeńnie Kamiteta pa kłubnym licenzavańni ABFF na praciahu troch pracoŭnych dzion.

Raniej futbolnyja kłuby «Naftan», «Słuck» i «Smarhoń» źviarnulisia da vykanaŭčaha kamiteta ABFF z chadajnictvami ab prymianieńni vyklučeńniaŭ pa vykanańni asobnych kryteryjaŭ. Najbližejšaje pasiadžeńnie vykanaŭčaha kamiteta ABFF adbudziecca 16 lutaha 2023 hoda.

Taksama pa-raniejšamu ŭ Vyšejšaj lizie vakantnym zastajecca adno miesca paśla niadopusku da licenzavańnia rahačoŭskaj kamandy «Maksłajn», jakaja zavajavała prava hulać u elitnym dyvizijonie pa vynikach pierachodnaha pieryjadu.

Miž tym, pavodle futbolnaha kalendara na 2023 hod, jaki zaćvierdžany vykankamam ABFF jašče ŭ siaredzinie śniežnia, u Vyšejšaj lizie płanujecca ŭdzieł 16 kamand. Pieršy tur pavinien prajści ŭžo 17—19 sakavika.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
SHOS/adkazać/
08.02.2023
v RB jesť futboł? pravda? jesť?..
0
Maksim Dizajnier/adkazać/
10.02.2023
SHOS

Jesť, i po kručie vašieho, biehunok. Chodim s dlinnonohimi dievčonkami boleť za tri minskije komandy.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera