Znajści
Ałharytmičny łacinski varyjant
08.02.2023 / 21:46RusŁacBieł

Ryšy Cunak paabiacaŭ, što brytanskija tanki Challenger 2 buduć va Ukrainie ŭžo ŭ sakaviku

Premjer-ministr Vialikabrytanii Ryšy Sunak paabiacaŭ, što brytanskija tanki Challenger 2 prybuduć va Ukrainu ŭžo ŭ sakaviku hetaha hoda, a taksama paviedamiŭ pra pašyreńnie navučalnaj prahramy dla ŭkrainskich vajskoŭcaŭ. Pra heta jon zajaviŭ na sumiesnym bryfinhu z prezidentam Ukrainy Uładzimiram Zialenskim paśla sustrečy z ukrainskimi tankistami, jakija ciapier asvojvajuć hetyja mašyny, paviedamlaje «Jeŭrapiejskaja praŭda».

Fota: Peter Nicholls/Pool via AP

«Ukrainskija ekipažy, jakija prybyli na vučeńni na minułym tydni, buduć vykarystoŭvać tanki Challenger 2 dla abarony suvierennaj terytoryi Ukrainy ŭžo ŭ nastupnym miesiacy. I my siońnia damovilisia pašyryć prahramu navučańnia, praź jakuju prajšli ŭžo 10 tysiač ukrainskich vajskoŭcaŭ, na marpiechaŭ i piłotaŭ źniščalnikaŭ», — zajaviŭ Ryšy Sunak.

Pry hetym brytanski premjer adznačyŭ, što jahonaja kraina prykładaje namahańni dla taho, kab nieabchodnaja zachodniaja zbroja apynułasia va Ukrainie ŭ najbližejšyja tydni, a nie praź miesiacy abo hady.

«My pavinny ŭzbroić Ukrainu ŭ karotkaterminovaj pierśpiektyvie i taksama ŭzmacniać jaje na doŭhaterminovuju pierśpiektyvu. Nielha dapuścić, kab Ukraina znoŭ była ŭraźlivaj mišeńniu dla novaj ahresii», — padkreśliŭ Ryšy Sunak.

15 studzienia Brytanija pacvierdziła płany pieradać Ukrainie eskadron z 14 tankaŭ Challenger 2 i kala 30 SAU kalibru 155 mm AS90.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera