Znajści
Ałharytmičny łacinski varyjant
09.02.2023 / 08:272RusŁacBieł

Instytut vyvučeńnia vajny: Vialiki rasijski nastup u Łuhanskaj vobłaści pačaŭsia

U štodzionnym biuleteni vašynhtonskaha Instytuta vyvučeńnia vajny (ISW) kanstatujecca, što daŭno čakanaje vialikaje nastupleńnie rasijskich vojskaŭ pačałosia na ŭčastku Svatava — Kramiannaja na miažy Łuhanskaj i Charkaŭskaj abłaściej — tam, dzie hetaja arhanizacyja i prahnazavała hety nastup u apošnija dni. Usie svaje vysnovy ISW buduje na adkrytych krynicach.

Fota: AP

U nastupleńni ŭdzielničajuć častki niekalkich pałkoŭ 144-j i 3-j motastrałkovych dyvizij (20-ja ahulnavajskovaja armija, Zachodniaja vajennaja akruha) pry padtrymcy čaściej 76-j pavietrana-desantnaj dyvizii i nieŭdakładnienych častak Paŭdniovaj vajennaj akruhi.

Jany nastupajuć na ŭsim učastku Svatava — Kramiannaja, asabliva na paŭnočny zachad ad Svatava — niedaloka ad Kupianska i na zachad ad Kramiannoj.

Sam fakt nastupu kaža pra toje, što na hetym učastku rasijskaje vojska pierachapiła inicyjatyvu, stračanuju ŭ žniŭni minułaha hoda. Adnak toje, što nastup pačaŭsia, jašče nie aznačaje, što jon budzie paśpiachovym.

Paśla jaho kulminacyi (heta značyć vyčarpańnia nazapašanych reziervaŭ žyvoj siły i techniki) va Ukrainy źjavicca mahčymaść viarnuć inicyjatyvu i pačać kontrnastupleńnie, pišuć ekśpierty ISW.

Adnak pakul rasijskaja hrupoŭka jašče nie dasiahnuła maksimalna mahčymaha tempu i zadziejničała nie ŭsie reziervy — tak, u boj jašče nie ŭstupiła 2-ja motastrałkovaja dyvizija 1-j hvardziejskaj tankavaj armii Zachodniaj vajennaj akruhi, pierakinutaja na Łuhanščynu paśla pierafarmavańnia na terytoryi Biełarusi ŭ studzieni.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
16
Bienia/adkazać/
09.02.2023
Tak vrodie VSU dołžny byť pod Moskvoj?
0
No/adkazać/
09.02.2023
Bienia, u śmiećcia siodnia dzień śviata?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera