Za 17 kamientaryjaŭ abraźlivaha charaktaru minčuk atrymaŭ dva hady kałonii i 200 bazavych štrafu
Sud Centralnaha rajona Minska 27 studzienia vynies prysud 36-hadovamu Alehu Juškieviču, jakomu inkryminavanyja publičnyja abrazy Łukašenki (č. 1 art. 368), sudździ (art. 391) i pradstaŭnikoŭ ułady (art. 369 Kryminalnaha kodeksa), piša «Viasna».
Spravu razhladaŭ sudździa Dźmitryj Karsiuk.
Pavodle materyjałaŭ śledstva, abvinavačany ź listapada 2020 hoda pa sakavik 2022-ha z vykarystańniem mabilnaha telefona ŭ čatach telehram-kanałaŭ, pryznanych sudom ekstremisckimi materyjałami, apublikavaŭ 17 kamientaryjaŭ abraźlivaha charaktaru ź niecenzurnaj łajankaj na adras sudździ, supracoŭnikaŭ orhanaŭ unutranych spraŭ i inšych pradstaŭnikoŭ ułady, a taksama Łukašenki.
U sudovym pasiadžeńni Juškievič pryznaŭ svaju vinu ŭ poŭnym abjomie. Rastłumačyŭ, što ździejśniŭ złačynstvy pad upłyvam «antydziaržaŭnych infarmacyjnych krynic», pakolki nie praviaraŭ dakładnaść raźmieščanych u ich źviestak.
Sud pryznačyŭ Juškieviču pakarańnie ŭ vyhladzie pazbaŭleńnia voli na termin dva hady sa štrafam 200 bazavych vieličyń (7,4 tys. rubloŭ).