Stała viadoma, kali projdzie nastupny «Usiebiełaruski narodny schod»
«U kancy krasavika 2024 hoda musić być sklikany pieršy Usiebiełaruski narodny schod pa tych praviłach, jakija paznačanyja ŭ normach Kanstytucyi i zakonie ab UNS», — skazała siońnia namieśnik kiraŭnika Administracyi Volha Čuprys.
UNS u lutym 2021 hoda. Fota BiełTA
Viadoma, što rašeńni UNS prymajucca bolšaściu ad poŭnaha składu, źjaŭlajucca abaviazkovymi dla vykanańnia i mohuć admianiać pravavyja akty, inšyja rašeńni dziaržorhanaŭ, jakija supiarečać intaresam nacyjanalnaj biaśpieki.
Miarkujecca taksama stvaryć prezidyum (pastajanna dziejučy kalehijalny orhan dla apieratyŭnaha vyrašeńnia pytańniaŭ, jakija ŭvachodziać u kampietencyju UNS) i sakrataryjat (pracoŭny orhan UNS). Kolkaść prezidyumu — 15 čałaviek. Staršynia UNS, jaho namieśniki, inšyja členy prezidyumubuduć abiracca na pieršym pasiadžeńni UNS sa składu jaho delehataŭ.
Viadoma taksama, što pasiadžeńni UNS pravodziacca nie radziej adnaho razu na hod. Pasiadženi prezidyumu UNS — nie radziej adnaho razu na 6 miesiacaŭ.
