Usievaład Ścieburaka. Čas, jaki nie pryjšoŭ. Vierš

Hasim śviečy i lampy
— u łožak — by na spačyn.
Znoŭku i znoŭku nam śnicca
toj nieadužany čyn.

Pryvidnyja razmovy
ŭzhadvać paśla darma
— kožnaje nočy nam śniacca
ludzi, jakich niama.

Pozirk vačej i dumka,
što pracinaje naskroź
— kožnaje nočy nam śnicca
ščaście, jakomu nie los.

Cicha rypić akanica,
dychaje ciemra z bakoŭ.
Doŭha nam budzie śnicca
čas, jaki nie pryjšoŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

16

0

1

0

2

0