Znajści
Ałharytmičny łacinski varyjant
11.02.2023 / 13:1829RusŁacBieł

Da čaho pryviadzie zakryćcio «Babroŭnikaŭ»

Polski bok paviedamiŭ, što punkt propusku «Babroŭniki» na miažy ź Biełaruśsiu z 10 lutaha prypynić svaju pracu «ź mierkavańniaŭ nacyjanalnaj biaśpieki». Svajo rašeńnie Varšava pryniała praź dzień paśla prysudu Andreju Pačobutu. «Naša Niva» tłumačyć, jak heta zakryćcio adabjecca na biełarusach.

Zastałosia dva z šaści punktaŭ propusku ŭ Polšču

Da pandemii COVID-19 na biełaruska-polskaj miažy funkcyjanavała šeść aŭtadarožnych punktaŭ propusku, ciapier takich zastałosia tolki dva.

Abodva mieściacca ŭ Bresckaj vobłaści. Punkt propusku «Brest — Ciarespal» pryznačany dla ruchu lehkavoha transpartu, a «Kazłovičy — Kukuryki» — vyklučna dla hruzavoha.

«Bierastavica — Babroŭniki» zastavaŭsia apošnim multyfunkcyjanalnym punktam propusku na biełaruska-polskaj miažy. Taksama jon byŭ apošnim dziejnym u Hrodzienskaj vobłaści.

Praz abvastreńnie mihracyjnaha kryzisu, da jakoha byŭ datyčny i biełaruski bok, Polšča vyrašyła zakryć z 21 listapada 2021 hoda punkt propusku «Bruzhi — Kuźnica». Zakryćcio vialikaha pamiežnaha punkta, jaki byŭ zdolny prapuskać za sutki da 1600 lehkavych i 580 hruzavych aŭto, pryviało da vielizarnych čerhaŭ. U pikavyja miesiacy dalnabojščyki tydniami byli vymušany stajać u čerhach na miažy.

Čaho čakać ad takoha rašeńnia?

Zakryćcio jašče adnaho punkta propusku pryviadzie da ŭskładnieńnia situacyi z čerhami na miažy, što ŭ svaju čarhu pavialičyć staŭki na pieravozku hruzaŭ i pasažyraŭ.

U najhoršaj situacyi akažucca žychary Hrodzienskaj vobłaści. Ciapier im budzie našmat składaniej patrapić u Polšču. Asabliva tym, chto jedzie tudy na hramadskim transparcie. Pieravozčykam spatrebicca čas, kab pierabudavać maršruty i ŭzhadnić ich. 

I kali pajezdki na zakupy možna adkłaści da lepšych časoŭ ci zamiest Biełastoka źjeździć u Vilniu, to tym, chto pracuje ci vučycca ŭ Polščy, daviadziecca tracić na pajezdki praź miažu bolš času i hrošaj.

Pacierpiać ad zakryćcia «Bierastavicy» i miascovyja čaŭnaki. Peŭnyja straty ad takoha rašeńnia paniasie i polski bok, bo z ulikam novych abstavin moža stać mienš ludziej, jakija buduć hatovyja jechać na šopinh u Biełastok. 

Ad 10 lutaha šlach z Hrodna da Biełastoka na aŭto budzie pralahać praz Brest abo praź Litvu. Z zajezdam u Brest atrymajecca bolš za 400 kiłamietraŭ. Kali jechać praź Litvu, to kala 250 kiłamietraŭ. 

Daroha z Hrodna da Biełastoka praz punkt «Bierastavica — Babroŭniki» składaje 120 kiłamietraŭ. Samym karotkim byŭ šlach praz zakrytyja «Bruzhi» — 85 kiłamietraŭ.

Čytacie taksama: «Visić nacyjanalny ściah ukrainski, i paviesili jašče bečebešnuju anuču». Staršynia Dziaržpahrankamiteta pra situacyju na miažy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
11.02.2023
SHOS , i da, pobieždať nikto nie budiet, rieč idiot o naniesienii nieprijemlemoho urona, raźnica zdieś v tom, čto kto-to hotov požiertvovať millionami čiełoviečieskich žiźniej, a kto-to niet...
11.02.2023
Kazik, potomu čto riadom Kitaj, kotoryj etoho nie pozvolit, no javlajetsia harantom biezopasnosti połoumnoho pielmienia. Plus jeŝio hłavnyj ekonomičieskij partnior SŠA.
11.02.2023
Kazik, imienno poetomu nikto nie primienit jadiernoje oružije. Budut v tančiki ihraťsia
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031