Fond spartovaj salidarnaści zaklikaŭ nie raspaŭsiudžvać materyjały, zdabytyja šlacham katavańniaŭ
BFSS źviarnuŭsia da pradstaŭnikoŭ niezaležnych miedyja, demakratyčnych sił i infarmacyjnych resursaŭ.
«Pavažanyja pradstaŭniki niezaležnych miedyja, demakratyčnych sił i infarmacyjnych resursaŭ! BFSS źviartajecca da vas z prośbaj nie raspaŭsiudžvać materyjały łukašenkaŭskaj prapahandy z udziełam biełaruskich spartoŭcaŭ. Pakul Mižnarodny alimpijski kamitet abmiarkoŭvaje mahčymaść dopusku spartoŭcaŭ z RF i Biełarusi, sumlennyja atlety znachodziacca za kratami ŭ žudasnych umovach i faktyčna źjaŭlajucca pałonnymi», — havorycca ŭ zvarocie Fondu.
Režym namahajecca vykarystoŭvać ich u svaich złačynnych metach i farmat «pakajannych intervju» — adzin ź instrumientaŭ cisku na śviadomaść hramadskaści.
«Źviartajemsia z hetaj ža prośbaj da hramadskaści, błohieraŭ i aktyŭnych karystalnikaŭ sacsietak! Nie ŭdzielničajcie ŭ infarmacyjnych apieracyjach režymu!» — havorycca ŭ zvarocie BFSS.
