Znajści
Ałharytmičny łacinski varyjant
09.02.2023 / 19:282RusŁacBieł

U Hrodnie stary sabaka miesiac čakaŭ haspadara kala šłahbauma. I dačakaŭsia

Hrodzienski błoh s13.ru siońnia apublikavaŭ historyju pra sabaku, jaki ŭžo miesiac žyvie na ŭskrainie horada, kala šłahbauma hrodzienskaha aerakłuba niepadalok ad Jubilejnaha voziera. Sabaku raniej bačyli tam z haspadarom, i jon vyhladaŭ ščaślivym, ale paźniej čamuści zastaŭsia adzin. Paśla publikacyi los sabaki imhnienna źmianiŭsia da lepšaha.

Užo nieŭzabavie paśla publikacyi źjaviŭsia kamientaryj: «Sabaka pajechaŭ u viosku, dzie doŭhi čas žyŭ».

Redakcyja błoha źviazałasia z aŭtaram hetaha kamientaryja, jaki raskazaŭ joj pra nialohki los hetaha staroha sabaki.

Kolki dakładna hadoŭ Budułaju, nie viedaje nichto. Dy i mianušku hetuju dali sabaku ŭsioj vioskaj, tamu što žyŭ jon niby cyhan: nikoli tołkam nie mieŭ doma i sapraŭdnaha haspadara, časta badziaŭsia, a na staraści hadoŭ jaho i zusim vykinuli.

Budułaj byŭ «achoŭnikam» ačyščalnych zbudavańniaŭ adnaho z hrodzienskich pradpryjemstvaŭ.

«Adzin z vartaŭnikoŭ pryvioŭ jaho na hety abjekt. Ale Budułaj byŭ pieraborlivy: nie kožny achoŭnik jamu byŭ pa dušy. Kali jamu nie padabaŭsia chtości z rabotnikaŭ, viartaŭsia da nas u viosku. Jaho ŭsie tut lubili. U kožnym dvary było pa miscy dla jaho, — raskazvaje dziaŭčyna. — Potym znoŭ viartaŭsia da siabie na abjekt. A potym jon źnik».

Jak stała viadoma paźniej, pryjšło sakretnaje rasparadžeńnie — prybrać sabak z pradpryjemstva. I jaho «haspadar» ničoha lepšaha nie prydumaŭ, jak vyvieźci staroha sabaku kudyści padalej.

«Byli dva sabaki — aŭčarka i Budułaj. Aŭčarku, zdajecca, prystroili ŭ novyja ruki, a Budułaja prosta vykinuli».

Z-za raptoŭnaha źniknieńnia sabaki pieražyvali ŭsioj vioskaj, ale nichto nie viedaŭ, dzie mienavita ciapier jon znachodzicca.

«My jaho šukali ŭsiudy, ale ŭsio daremna. A kali pračytali natatku pra jaho na sajcie, adrazu za im i pajechali», — nie chavajučy ščaślivych emocyj, kaža dziaŭčyna.

U vioscy sabaku čakali ŭsie. A toj, ubačyŭšy blizkich jamu ludziej, radasna vichlaŭ chvastom.

Padobna na toje, što tulańni kinutaha sabaki skončanyja. Napieradzie jaho, chočacca spadziavacca, čakaje ščaślivaja staraść u kłopacie i lubovi.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Volha/adkazać/
09.02.2023
Kab jašče i Biełarusi takoha dačakacca.
0
Maksim Dizajnier/adkazać/
10.02.2023
Etomu vartauniku kołchoznomu mordu nado nabiť, kak minimum, za takoje. Tružieńnik, mla.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera