Znajści
Ałharytmičny łacinski varyjant
16.03.2023 / 17:5710RusŁacBieł

U Mahilovie 49-hadovaja žančyna pakusała dziaŭčynku

Aficyjny pradstaŭnik Śledčaha kamiteta Alaksandr Suchadolski u efiry «Radyjo-Minsk» raskazaŭ niezvyčajnuju kryminalnuju historyju, jakaja adbyłasia 22 studzienia ŭ Mahilovie, pišuć «Minsk-Naviny». 

Fota ilustracyjnaje

Žančyna razam z mužam adpraviłasia da znajomych u hości, viartalisia jany adtul pozna ŭviečary. Padychodziačy da svajho doma, muž i žonka ŭbačyli kala padjezda dziaciej, jakija šumna abmiarkoŭvali niejkaje videa na telefonie, pra štości havaryli i śmiajalisia.

Žančynie zdałosia, što dzieci zanadta rasšumielisia, dy jašče i pieraškadžali joj prajści. Jana zrabiła im hrubuju zaŭvahu, dzieci ahryznulisia.

Urešcie słovami ŭsio nie abmiežavałasia, bo za dziaciej zastupiŭsia baćka adnoj ź dziaŭčatak. Jamu nie skłała ciažkaści dać rady vypiŭšamu mužčynu, jaki zachacieŭ ź im razabracca, ale žančyna tym časam napała na jaho dačku. Jak potym jana tłumačyła śledčamu: «Paličyła, što baćka dziaŭčynki moža źbić jaje muža, a tak nie stanie hetaha rabić, tamu što budzie abaraniać svaju dačku».

Pry praviadzieńni sudova-miedycynskaj ekśpiertyzy ŭ paciarpiełaj dziaŭčynki vyjavili vyrvanyja vałasy, ranki na rukach i ślady ŭkusu. Praviedzieny miedahlad vyjaviŭ u kryvi ŭ žančyny 1,2 pramile ałkaholu.

Pa vynikach rasśledavańnia žycharcy Mahilova pradjaŭlenaje abvinavačvańnie pa č. 1 art. 339 KK (chulihanstva), joj pahražaje da dvuch hadoŭ pazbaŭleńnia voli.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
Maksim Dizajnier/adkazać/
17.03.2023
Doctor,

S vas vsia Jevropa śmiejetsia. Nie uśpieła s trapa samoleta sojti, v objatija k piervomu vstriečnomu princu brosajetsia, a doma tokasirioznyje otnošienija, s takimi žie tokasirioznymi miamlami, nie pju, nie kuru, rabota-koptiaŝij korč-ššłyki kohda tiepło.
1
Cukierka/adkazać/
17.03.2023
Stoma-tołoh Eto javno prikus Maksima Dizajniera. 
0
.../adkazać/
18.03.2023
Cikava, jak tam zaraz dziaŭčynka? Nie kidajecca na ludziej? Kali vy razumiejecie, pra što ja... Bo 2023 hod, čaho-zaŭhodna čakać možna.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera