Michaił Savicki spłahijaciŭ siužet dla karciny «Partyzany»?
Takoje abvinavačańnie budučamu narodnamu mastaku i Hieroju Biełarusi kaliści vystaŭlaŭ narodny mastak BSSR, skulptar Siarhiej Sielichanaŭ. Raskazvajem, u čym sutnaść.
Michaił Savicki. «Partyzany»
U 1965 h. pastanovaj urada respubliki byli zasnavany Dziaržaŭnyja premii BSSR za vydatnyja tvory i raboty ŭ halinie litaratury i mastactva, jakija sadziejničajuć kamunistyčnamu vychavańniu pracoŭnych, adpaviadajuć pryncypam sacyjalistyčnaha realizmu i atrymali šyrokaje hramadskaje pryznańnie. Da 20 krasavika 1966 hoda admysłovaja kamisija prymała da razhladu tvory i raboty ŭ šaści naminacyjach. Siarod ich było vyjaŭlenčaje mastactva. Siarod rabot była karcina Michaiła Savickaha «Partyzany».
20 červienia 1966 hoda ŭ Kamitet Dziaržaŭnych premij Siarhiej Sielichanaŭ nakiravaŭ list, u jakim źviartaŭ uvahu na toje, što heta karcina nie aryhinalnaja. Pa słovach skulptara, «u levaj častcy — hraviura rumynskaha mastaka Pirachima «Partyzany», u pravaj — freska mieksikanskaha mastaka Aroska «Revalucyjaniery» (1926—1927 hady)».
Rumynski mastak Pirachim. «Partyzany». Fotakopija, zroblenaja S. Sielichanavym. Z fondaŭ BDAMŁM
Da zajavy prykładalisia zdymki repradukcyj hetych tvoraŭ, jakija byli apublikavanyja ŭ časopisach. Pieršaja — u niamieckim Bilden den Kunst za 1960 hod. Druhaja — u časopisie «Iskusstvo» № 10 za toj ža 1960 hod.
Ch. K. Aroska. «Revalucyjaniery». Freska. 1926—1927. Halereja Vialikaha dvara Nacyjanalnaj padrychtoŭčaj škoły. Krynica: indiansworld.org
Jak vynikaje z paznaki na zajavie, kamisija nie pryznała za Savickim płahijactva i pakinuła zajavu biez uvahi. Ale ŭ toj hod nichto z mastakoŭ premii nie atrymaŭ.
Na nastupny hod prezidyum Sajuza mastakoŭ BSSR iznoŭ vyłučaje Michaiła Savickaha na premiju. Hetym razam Sielichanaŭ nakiroŭvaje list u CK KPB(b). Skulptar adznačaje, što ź jaho pohladam pahadžajucca narodnyja mastaki Zajcaŭ i Azhur.
I hetym razam kandydatura Michaiła Savickaha nie prajšła. Premiju atrymaŭ narodny mastak BSSR Vital Ćvirka za sieryju piejzažaŭ «Na ziamli biełaruskaj».
Ale Michaił Savicki biez premii nie zastaŭsia. Jana była jamu prysudžana ŭ 1969 hodzie za karciny «Pakarańnie śmierciu», «Chlaby», «Rabočy».
A jak vy dumajecie, jość u hetym płahijat ci nie? Mahčyma, niechta z mastactvaznaŭcaŭ moža dać zaklučeńnie.
Čytajcie jašče:
Aŭstralijski piśmieńnik vybačyŭsia pierad Aleksijevič za płahijat. Vyjavili 60 padabienstvaŭ
