Znajści
Ałharytmičny łacinski varyjant
17.03.2023 / 12:34RusŁacBieł

Što ciapier z Nobieleŭskaj premijaj Alesia Bialackaha?

Žonka Alesia Bialackaha ŭ intervju Deutsche Welle raskazała apošnija naviny ad pravaabaroncy z-za krataŭ i los hrašovaj premii.

Fota: sb.by

Natalla Pinčuk, žonka Bialackaha, prysutničała ŭ Osła na ŭručeńni Nobieleŭskaj premii miru. Jana simvalična pryniała miedal i dypłom, jany pakul zachoŭvajucca ŭ znajomych.

«Što tyčycca hrašovaj častki, to jana nie pryniata. Jaje pryniać moža tolki Aleś, kali vyjdzie z-za krataŭ. Premija budzie čakać, kali jon apyniecca na voli», — patłumačyła Natalla. Premija składaje kala 330 tysiač jeŭra dla kožnaha z troch jaje sioletnich atrymalnikaŭ (ź Bialackim jaje raździalili pradstaŭniki pravaabarončych arhanizacyj «Miemaryjał» z Rasii i «Centr hramadzianskich svabod» z Ukrainy).

Žonka Alesia Bialackaha raskazała, što niepasrednaha kantaktu ź inšymi łaŭreatami ŭ jaje niama, ale padtrymka Alesia adčuvajecca, asabliva ŭkrainskim bokam.

«Toje, što Biełaruś ličać krainaj-suahresaram, paharšaje stanovišča biełarusaŭ, choć u hetaj situacyi biełarusy jak narod — bieź viny vinavatyja. U bolšaści svajoj jany padtrymlivajuć ukraincaŭ, heta treba pamiatać. Biełarusy — nie ruskija, nie majuć impierskich ambicyj, im nie patrebna vajna. Treba adździalać pazicyju ŭład i toje, za kaho narod. 24 lutaha ŭ Minsku vyviesili ŭkrainski ściah. Pa ciapierašnich zakonach ludzi ryzykavali žyćciom, kab pakazać padtrymku Ukrainie», — vykazałasia jana.

Nie ŭsie listy Natalli dachodziać da muža, a jaho — da jaje.

«Advakaty maŭčać, tamu što mohuć pazbavicca licenzii abo sieści ŭ turmu. Adzin z advakataŭ Alesia ŭžo atrymaŭ vialiki termin, inšaha pazbavili licenzii», — dadała jana.

Čytajcie taksama:

«Było 17 varyjantaŭ nobieleŭskaj lekcyi». Vialikaje intervju Natalli Pinčuk ab premii i kachańni

«Dabro i praŭda pavinny ŭmieć abaraniać siabie». Nobieleŭskaja pramova Alesia Bialackaha POŬNY TEKST

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
0
Ха-ха
2
Ого
2
Сумна
10
Абуральна
21
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031