Znajści
Ałharytmičny łacinski varyjant
17.03.2023 / 20:4310RusŁacBieł

Žychary Kukšavič vyśmiejali pradprymalnika, jaki napisaŭ zvarot Łukašenku pra darohu. Pradprymalnik: «Ziemlaki zajzdrosnyja»

Pradprymalnik ź Dziaržynskaha rajona Jaŭhien Čujeŭski — prychilnik Łukašenki. Jon pierakanany, što ŭsie jaho ziemlaki padtrymlivajuć dziejnuju ŭładu, a tamu im abaviazanyja adramantavać viaskovuju darohu. Viaskoŭcy ž kažuć, što darohu raźbili hruzaviki, jakija ramantuje pradprymalnik u svajoj majsterni. Što da «padtrymki Łukašenki», to «znajem my, chto jaho padtrymlivaje», iranizujuć jany.

Pradprymalnik Jaŭhien Čujeŭski. Skryn: t.me/zamkadomby

Jaŭhien Čujeŭski ŭ vioscy Kukševičy maje majsterniu techničnaha absłuhoŭvańnia hruzavych aŭtamabilaŭ. U pasieliščy, jakoje za 3 kiłamietry ad Dziaržynska i za 35 ad Minska, u 2022 hodzie było prapisana 138 čałaviek, piša prajekt «1906».

Videazvarot da Łukašenki biznesoviec nazyvaje «kličam dušy» i pakazvaje ŭ im raźbituju viaskovuju darohu. Da vioski nie moža dajechać školny aŭtobus, kab zabrać dziaciej, i jany vychodziać na šašu brudnyja, śćviardžaŭ jon. Taksama na darozie łamajucca mašyny, davodzić pradprymalnik.

Čujeŭski zajaŭlaje, što ŭsie žychary vioski hałasavali ŭ 2020 hodzie za Łukašenku i navat małyja dzieci «trymali za jaho kułački».

«Alaksandr Ryhoravič, kali łaska, raźbiaryciesia, dapamažycie nam. Nadyšoŭ čas, kali vy nam pavinny dapamahčy. Spadziajusia, što vy nas pačujecie, bo tut prosta strašna», — prosić pradprymalnik.

Zvarot Čujeŭskaha ŭ internecie prabyŭ niadoŭha i nieŭzabavie pa apublikavańni byŭ vydaleny aŭtaram.

«Na toje byli pryčyny», — skazaŭ jon prajektu «1906».

Pa jaho słovach, efiekt ad zvarotu jość, bo darohu ramantavali.

«Ciapier jana padsypanaja i bolš-mienš usich zadavalniaje. Łuž niama i ŭsio dobra. Budzie nadvorje — utrambujem. Heta ž nie aŭtaban z padahrevam, ale i my nie šejchi. U nas ža tut niama śvidravin naftavych», — kaža pradprymalnik.

Čujeŭski ličyć, što «ŭłada adreahavała, bo «źvierchu» taksama ludzi i ich treba prasić pa-dobramu, pa-ludsku».

«A kali ździekliva, z pretenzijami, palcy hnuć, to, viadoma, jany adreahujuć inakš. Kali ŭ vas buduć pytańni, to źviartajciesia, ja vas navuču», — raić pradprymalnik.

Daroha ŭ Kukševičach, jakuju pakazaŭ u videazvarocie pradprymalnik Jaŭhien Čujeŭski. «Ciapier łuž niama i ŭsio dobra», — kaža pradprymalnik. Skryn: t.me/zamkadomby 

Pradprymalnik raskazvaje, što raniej pracavaŭ za najaŭny raźlik, a potym lehalizavaŭsia, atrymaŭ dziaržaŭnuju subsidyju na padtrymku pradprymalnictva, jakuju nazyvaje «prezidenckaj dapamohaj dla raźvićcia małoha i siaredniaha biznesu». Na jaje kupiŭ nieabchodnaje abstalavańnie i ciapier maje padtrymku dziaržaŭnych arhanizacyj.

«Siońnia ŭ nas paśpiachovaje pradpryjemstva. Pabudavali svaich 220 kvadrataŭ pamiaškańnia. Zdali jaho ŭ ekspłuatacyju. Zaćvierdziła jaho sanstancyja, ekałohija, pracujuć ludzi, u nas paśpiachovyja klijenty, pieravozčyki…» — chvalicca Čujeŭski.

Ziemlaki ž pradprymalnika skazali, što darohu raźbili mašyny, jakija pryjazdžajuć da Čujeŭskaha ramantavacca.

«Na stancyju pryjazdžajuć mašyny, i vialikija, tamu, mabyć, treba ŭ jaho spytać, čamu daroha takaja ŭ vioscy? I hety klič da Łukašenki nie bolš, čym sproba padmazać dla biznesu chalaŭny asfalcik. Nijakija tam aŭtobusy školnyja ni pry čym, tolki skurny intares», — miarkujuć viaskoŭcy.

Sam Čujeŭski takija zakidy tłumačyć ludskoj zajzdraściu. Pavodle pradprymalnika, hetak ža staviacca da Łukašenki niazhodnyja ź jaho palitykaj.

«Na jaho niasuć usialakija duraści i hetak ža na tych, chto za jaho zastupajecca i padtrymlivaje. I chto ŭ jaho vieryć. U mianie navat na kanalizacyju jość prajekt, zaćvierdžany ŭ ekałohii. Voś, ujavicie, nakolki ŭ mianie ŭsio lehalizavana, usio prazrysta i pryhoža. Pryjazdžajcie, vam dakumienty pakažu. Mnie niama čaho bajacca», — davodzić jon.

Na pytańnie, adkul jamu viadoma, što ŭsie ŭ vioscy prahałasavali za Łukašenku, adkazvaje, što viaskoŭcy adno adnamu ŭsio raskazvajuć.

«Heta nie tak, jak u horadzie, dzie ŭsie złyja. A ŭ nas usie družnyja i spakojnyja. Prachodzić śviata vioski. Na jaho ŭsie źbirajucca, havorać, pytańni ŭzdymajuć. Raz na hod źbirajemsia i adno adnamu ŭsio raskazvajem», — tłumačyć jon.

Pytańnie pra hałasavańnie Čujeŭskamu nie spadabałasia, i jon zajaviŭ, što dalej jaho infarmacyja budzie płatnaj.

«Kali vy hatovyja sa mnoju havaryć, to treba pieraličyć na naš rachunak krychu hrošaj, i ja adkažu na nastupnyja vašy pytańni», — udakładniŭ jon i nazvaŭ sumu takoj ździełki ŭ «1 miljon dalaraŭ»…

U toj ža čas niekalki žycharoŭ Kukšavič skazali nam, što ŭ pasieliščy Łukašenku padtrymlivaje mała chto.

«Usie za Łukašenku? Znajem my, chto za Łukašenku», — skazaŭ nam adzin mužčyna. «Vy i sami znajecie chto», — adkazaŭ jon na prośbu ŭdakładnić svaju dumku.

«U Kukšavičach jość ludzi, jakich zatrymlivali za ŭdzieł u pratestach, jakija paciarpieli. Kamuści vyjechać pryjšłosia navat», — raskazała inšaja žančyna.

«Naša Niva» — bastyjon biełaruščyny

PADTRYMAĆ

Čytajcie taksama:

«Tut prosta strašna». Žychar vioski pad Minskam u zvarocie da Łukašenki raspavioŭ, što ŭsia vioska za jaho hałasavała, choć jany i patanajuć u hrazi

Pačuła zaklik uładaŭ i pajechała padymać małuju radzimu. Ciapier źviartajecca da Łukašenki, bo da astatnich užo źviartałasia

«Dla nas, starych, heta adzinaja zabaŭka». Jak aŭtałaŭka abjazdžaje maleńkija vioski

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
sovchoz protiestantov/adkazać/
18.03.2023
vyraz, da im voobŝie na vsie plevať

živut radi boha i radi siemji) 
0
Maksim Dizajnier/adkazać/
19.03.2023
Da, siditie dalšie v ovnie, pluchajcieś v niem, kak śvinki. Chotia poślednije na ahrokombinatach łučšie živut. "A vot my u dietstvie apilsinaf ni znali, tak što maučy i žuj kartoplu z sałam"
0
Maksim Dizajnier/adkazać/
19.03.2023
chch,

Skolko tam mašin v čas prijezžajet k niemu ramantavacca, čtoby boty po kołno v hriazi utopali?I kak raz jeho chata s kraju vieski?Da?Samaja pośledniaja?Idi prośpiś, šašłyčnik čarka-škavaročnyj. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera