Paschałka dla biełarusaŭ: u sieryjale «Ekstrapalacyi» pakazali pratesty budučyni pad bčb-ściaham i sa słovami Kalinoŭskaha
Zhadka pra Biełaruś prahučała ŭ novym sieryjale «Ekstrapalacyi» (Extrapolations), stvoranym Skotam Biornsam dla Apple TV+. U pačatku pieršaj sieryi pakazany klimatyčnyja pratesty pad biełaruskim bieł-čyrvona-biełym ściaham, zaŭvažyŭ reform.by.
Kadr ź sieryjała «Ekstrapalacyi» (Extrapolations)
Premjera filma adbyłasia 17 sakavika 2023 hoda.
Pieršaja sieryja pačynajecca z apoviedu pra hłabalnaje paciapleńnie, jakoje pryviało da istotnaj źmieny klimatu ŭ 2037 hodzie. Viadučy navin raskazvaje pra samit pa pytańniach klimatu ŭ Tel-Avivie. Kamientaryj viadučaha supravadžajecca kadrami ekałahičnaj katastrofy na Ziamli, sprob mihrantaŭ patrapić u biaśpiečnyja krainy i pratestaŭ.
Hierainia filma vystupaje praz hałahramu na adnym ź mitynhaŭ, jaki tranśluje ŭkrainskaje telebačańnie. Vidać natoŭp ludziej, ukrainskija ściahi, adnak bujnym płanam na ekranie vialiki bieł-čyrvona-bieły ściah z hierbam «Pahonia».
Adzin z demanstrantaŭ trymaje płakat sa słovami Kastusia Kalinoŭskaha «Nie narod dla ŭrada, a ŭrad dla naroda».
