Palitźniavoleny błohier Ihar Łosik ździejśniŭ sprobu suicydu ŭ kałonii — pravaabaroncy
Pravaabaroncy atrymali infarmacyju ź niekalkich krynic pra toje, što Ihar Łosik u ŠIZA navapołackaj kałonii doŭhi čas trymaŭ haładoŭku, a paśla parezaŭ sabie ruki i šyju. Ihara vyratavali i adpravili ŭ miedsančaść.
Apošni raz advakat bačyŭ Ihara Łosika ŭ kałonii ŭ siaredzinie lutaha.
Ciapier jahonyja advakat i baćka źbirajucca terminova jechać u kałoniju.
Jak stała viadoma «Svabodzie», 10 sakavika advakatu nie dazvolili sustrecca z padabaronnym. Pryčynaj nazvali toje, što palitviazień nie napisaŭ zahadzia zajavu na sustreču z advakatam, a ŭ toj momant nibyta znachodziŭsia na pracy, i adryvać ad jaje źniavolenych nielha.
Advakatu paviedamili, što Ihar pracuje, ź im usio ŭ paradku, jamu pieradaduć, kab pisaŭ listy baćkam: «maŭlaŭ, Ihar chutka napiša».
Baćki Ihara Łosika ŭžo miesiac nie atrymlivajuć listoŭ ad syna.
Raniej Ihar daviedaŭsia, što na spatkańnie ź im jahonyja baćki nie zmohuć pryvieźci dačku Paŭlinku, i vielmi zasmuciŭsia praz heta.
Viadomamu błohieru Iharu Łosiku prysudzili 15 hadoŭ pazbaŭleńnia voli ŭzmocnienaha režymu pa «spravie Cichanoŭskaha».
Paźniej dva hady pazbaŭleńnia voli pryznačyli jaho žoncy — Dar‘i Łosik.
Čatyrochhadovaja dačka Paŭlina ciapier znachodzicca z babulami i dziadulami.
Čytajcie taksama:
KDB unios Siarhieja Cichanoŭskaha i Ihara Łosika ŭ śpis terarystaŭ
«Chryścijanskaja vizija» źviarnułasia da Papy z prośbaj paspryjać vyzvaleńniu Darji i Ihara Łosikaŭ
