Znajści
Ałharytmičny łacinski varyjant
20.03.2023 / 14:358RusŁacBieł

Nasupierak čakańniam Pucin nie pryjechaŭ u aeraport asabista sustreć «darahoha siabra» Si

Staršyniu KNR Si Czińpina ŭ aeraporcie «Unukava-2» sustreŭ vice-premjer Dźmitryj Čarnyšenka. Pierad vizitam niekatoryja ŚMI napisali, što ŭ aeraport moža pryjechać asabista Uładzimir Pucin. Heta mahło stać pieršym padobnym vypadkam z 2004 hoda, kali Pucin pryjazdžaŭ sustrakać kanclera Niamieččyny Hiercharda Šrodera, źviarnuŭ uvahu kanał «Ahientstvo. Novosti».

 Staršyniu KNR Si Czińpina ŭ aeraporcie «Unukava-2» sustreŭ vice-premjer Dźmitryj Čarnyšenka. Kadr ź videa

Apošnim zamiežnym lidaram, jakoha Pucin asabista sustrakaŭ u aeraporcie, byŭ Šroder, jaki prylataŭ u Maskvu ŭ 2004 hodzie. A ŭ 2003 hodzie Pucin vitaŭ u aeraporcie Sočy eks-prezidenta ZŠA Džordža Buša-starejšaha z žonkaj.

Paźniej Pucin jak minimum trojčy sustrakaŭ zamiežnych lidaraŭ u aeraporcie ŭ ramkach techničnych pasadak u Maskvie.

U śniežni 2004 hoda jon pravioŭ va Unukava-2 pieramovy z prezidentam Ukrainy Leanidam Kučmam. U 2006 hodzie Pucin z žonkaj sustreŭ prezidenckuju paru Bušaŭ (Džordža Buša-małodšaha i Łoru Buš), čyj samalot sieŭ va «Unukava-2» dla dazapraŭki na šlachu z Vašynhtona ŭ Sinhapur. Puciny i Bušy praviali karotki niefarmalny śniadanak va ŭradavym aeraporcie, paśla čaho amierykanski bort numar adzin vylecieŭ z Maskvy.

U 2014 hodzie Pucin pravioŭ karotkuju sustreču va «Unukava-2» z prezidentam Francyi Fransua Ałandam. Jaho samalot pryziamliŭsia ŭ rasijskim aeraporcie, kali francuzski lidar viartaŭsia z Kazachstana.

U 2013 hodzie Pucin adkryvaŭ Čyhunačny vakzał u Adlery razam z kiraŭnikom MAK Tomasam Bacham. Pierad cyrymonijaj rasijski prezident sustreŭ Bacha ŭ aeraporcie Sočy.

Si Czińpin i Uładzimir Pucin vykarystoŭvajuć u dačynieńni adzin da adnaho abarot «darahi siabar». Adnak, miarkujučy pa tym, što Pucin nie staŭ asabista sustrakać Si ŭ aeraporcie, hetyja siabroŭskija stasunki adroźnivajucca ad tych, što źviazvajuć rasijskaha prezidenta ź jaho sapraŭdnymi siabrami, siarod jakich Hierchard Šroder.

Jak paviedamiŭ žurnalistam pres-sakratar prezidenta RF Dźmitryj Piaskoŭ, sustreča Uładzimira Pucina i Si Czińpina adbudziecca kala 16:30. Heta budzie hutarka sam-nasam, jakaja praciahniecca za niefarmalnym abiedam.

Aficyjnyja rasijska-kitajskija pieramovy zapłanavanyja na 15:00 21 sakavika. Akramia dvuchbakovych pytańniaŭ, lidary RF i KNR abmiarkujuć płan mirnaha ŭrehulavańnia va Ukrainie, prapanavany Piekinam.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Uład/adkazać/
20.03.2023
Kitajcy nie daravali by fint z "dvajnikom" u dačynieńni da ich lidara. Jany takich žartaŭ nie razumiejuć :)
0
soł/adkazać/
20.03.2023
I chaciełasia, i strašnavata
0
Hosť/adkazać/
20.03.2023
Eto vam nie v Buriatiju ili Mariupol sjezdiť.🗿👆
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031