Biełarus sprabavaŭ zavieźci z Polščy 75 kiłahramaŭ kulaŭ i hilzaŭ
Dziaržaŭny mytny kamitet paviedamiŭ, što 50-hadovy biełarus sprabavaŭ zavieźci z Polščy 75 kiłahramaŭ hilzaŭ i kulaŭ u śpiecyjalnych schovankach u mašynie. Ale hety hruz vyjavili bresckija mytniki.
U paviedamleńni Mytnaha kamiteta adznačajecca, što kiroŭca aŭtamabila Citroen C4, kirujučysia praz punkt propusku «Brest», schavaŭ u śpiecyjalna abstalavanych schovankach, u tym liku i zapasnym kole, 20 polietylenavych pakietaŭ z kulami i hilzami.
Miescy schovanak atrymałasia vyznačyć pry praviadzieńni nadhladu, na jaki aŭtamabil byŭ nakiravany paśla vyvučeńnia supracoŭnikami mytni skanahramy, atrymanaj pry vykarystańni inśpiekcyjna-nadhladnaha kompleksu.
Pry praviadzieńni pravierki pa miescy žycharstva mužčyny nibyta znajšli ceły arsienał ahniastrelnaj zbroi, a taksama bojeprypasaŭ — što mienavita, nie ŭdakładniajecca. Ciapier razhladajecca pytańnie, kab pa hetym fakcie zavieści kryminalnuju spravu.
Čytajcie taksama:
U krasaviku i mai padarožnikam lepš abjazdžać «Kamienny Łoh»
U pasyłcy ź Japonii znajšli ledziancy ź niebiaśpiečnym psichatropam
