Znajści
Ałharytmičny łacinski varyjant
21.03.2023 / 08:2811RusŁacBieł

Z čym źviazany režym maŭčańnia pra stralbu ŭ Hrodnie?

Prapahanda nie paviedamlaje nijakich detalaŭ ab zdareńni ŭ Hrodnie, dzie ŭ niadzielu śpiecsłužbisty, nibyta, zabili čałavieka. U paniadziełak Alaksandr Łukašenka vyklikaŭ da siabie svajho syna — «adkaznaha» za «Alfu». Poŭnaj karciny zdareńnia niama, ale ab niečym my možam mierkavać pa abryŭkach infarmacyi. 

Hrodzienskm dom, u jakim zastrelili inšaziemca

BiełTA na nastupny dzień paśla stralaniny ŭ Hrodnie demanstruje raźmieranuju i spakojnuju karcinu dnia: «aktyvizacyja kantaktaŭ z Kałmykijaj», «strohi kantrol situacyi na spažyvieckim rynku». 

Heta davoli niecharakterna dla situacyi forsmažoru, pra jaki na tym ža resursie trubili ŭčora: «U Hrodnie padčas akazańnia ŭzbrojenaha supracivu śpiecpadraździaleńniu KDB zabity zamiežny hramadzianin». 

Cełaja śpiecapieracyja orhanaŭ dziaržbiaśpieki, čyje bajcy nibyta praryvalisia skroź vybuchi hranat i vykručvalisia ad strałkovaj zbroi. U Biełarusi i pry kudy mienšych «hierojstvach» siłavikoŭ pałosy dziaržaŭnaj presy poŭnyja padrabiaznaściaŭ. A tut — cišynia…

U toj ža momant Łukašenka vyklikaŭ da siabie syna. 

Viktar Łukašenka sa stosam tečak pierad chmurym baćkam 

«Kali jon na nastupny dzień vyklikaŭ da siabie syna, jaki źjaŭlajecca kiraŭnikom mižviedamasnaj Rady śpiecyjalnych padraździaleńniaŭ, to heta, jak pa mnie, śviedčyć pra jaho žadańnie atrymać abjektyŭnuju infarmacyju i acenku dziejańniaŭ alfaŭcaŭ nie tolki sa słovaŭ Cierciela», — skazaŭ adzin z surazmoŭcaŭ «Našaj Nivy» ź vialikim dośviedam pracy ŭ siłavym błoku. 

Viktar Łukašenka doŭhi čas byŭ pamočnikam baćki pa nacyjanalnaj biaśpiecy. Z hetaj pasady jon syšoŭ u lutym 2021-ha.

«Stała kantaktuju z alfaŭcami, vyrašaju ź imi aktualnyja zadačy na sustrečach mižviedamasnaj Rady śpiecyjalnych padraździaleńniaŭ», — kazaŭ Viktar Łukašenka ŭ adnym z redkich intervju da 30-hodździa «Alfy».

Na BiełTA ŭčarašniaja sustreča była padadziena jak sustreča Łukašenki-starejšaha sa staršynioj Nacyjanalnaha alimpijskaha kamiteta.

Padniatyja pytańni vyhladajuć šarahovymi: «uzajemadzieńnie hramadskich arhanizacyj z NAK» i padobnaje.

Heta sapraŭdy dazvalaje ličyć, što temaj sustrečy byli niejkija inšyja pytańni. 

Što, naprykład? 

Pa niepravieranaj infarmacyi «Našaj Nivy», jakuju my atrymali z adnoj krynicy, u Hrodnie «Alfa» zabiła hramadzianina adnoj ź dziaržaŭ Jeŭrasajuza. 

Dypłamat hetaj krainy atrymaŭ zapyt našaha vydańnia ab imaviernym fakcie hibieli ich hramadzianina, ale, pračytaŭšy, pakinuŭ jaho biez adkazu. 

Infarmacyja, što hety hramadzianin nibyta adbivaŭsia ad KDB hranatami, našymi surazmoŭcami stavicca pad sumnieŭ.

Detalaŭ zdareńnia my pakul dakładna nie viedajem. 

Taksama nam viadoma, što jašče ŭ niadzielu śpiecyjalistaŭ pa vybuchovaj spravie, a taksama apieratyŭnikaŭ šerahu śpiecyjalnych viedamstvaŭ vyklikali ŭ Hrodna z vychadnych i navat balničnych. 

Taksama ničoha nieviadoma pra straty z boku KDB. 

Čytajcie taksama:

Za sutki amal nijakaj aficyjnaj infarmacyi pra stralaninu ŭ Hrodnie

Da rezidencyi Karanika pryjechała milicyja

U Hrodnie «padčas akazańnia ŭzbrojenaha supracivu» śpiecpadraździaleńniu KDB zabity zamiežny hramadzianin — BiełTA

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
16
Панылы сорам
8
Ха-ха
15
Ого
21
Сумна
4
Абуральна
35
0
Krokodił/adkazać/
21.03.2023
Połnyj treš Ja žił čieriez paru ulic ot etoj, inohda na rabotu chodił mimo tiech domov Sižu prosto v užasie
0
daviedka/adkazać/
21.03.2023
Komandirom hruppy «A» KHB javlajetsia sosłuživiec Viktora Łukašienko po OSAM.
0
daviedka/adkazać/
21.03.2023
Źvieńja odnoj ciepi, čto nakanunie hrodnienskimi pohraničnikami była zadieržana mašina s bojepripasami iz Litvy.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031