Znajści
Ałharytmičny łacinski varyjant
21.03.2023 / 09:538RusŁacBieł

«Nadzvyčaj chvalujusia». 92-hadovy miedyjamahnat Rupiert Miordak abviaściŭ, što aženicca piaty raz

Miedyjamahnat, Rupiert Miordak, jaki vałodaje šmatlikimi ŚMI, kinakampanijami i vydaviectvami ŭ roznych krainach śvietu, abviaściŭ, što aženicca sa svajoj novaj pasijaj En Leśli Śmit, jakaja ŭ minułym pracavała kapiełanam u palicyi. Hety šlub stanie piatym dla 92-hadovaha miljardera, jaki niadaŭna razyšoŭsia z Džery Choł — byłoj žonkaj Mika Džahiera, piša Bi-bi-si.

Mierdak i Śmit płanujuć ažanicca letam. Fota: Jenna Bascom photography

Miordak paznajomiŭsia z 66-hadovaj Śmit u vieraśni minułaha hoda padčas mierapryjemstva na jaho vinahradnikach u Kalifornii.

«Mianie tryvožyła mahčymaść znoŭ zakachacca, ale ja viedaŭ, što hety raz budzie apošnim. Lepš chaj jon budzie apošnim. Ja ščaślivy», — skazaŭ Miordak haziecie New York Post, jakaja ŭvachodzić u jaho mižnarodnuju miedyjaimpieryju.

Miordaku, čyjo bahaćcie aceńvajecca bolš čym u 20 młrd dalaraŭ, naležyć mnostva ŭpłyvovych drukavanych vydańniaŭ i telekanałaŭ kansiervatyŭnaj nakiravanaści pa ŭsim śviecie. U ich liku, naprykład, brytanski tabłoid Sun i bolš reśpiektabielnaja Times, a taksama amierykanskaja Wall Street Journal i telekanał Fox News.

Papiarednim mužam vybrańnicy Mierdaka byŭ Čester Śmit, śpiavak u styli kantry i miedyjamieniedžar.

«Apošnija 14 hadoŭ ja ŭdava. Jak i Rupiert, moj muž byŭ biznesmienam. Pracavaŭ u miascovych hazietach, raźvivaŭ radyjo i telekanały, dapamahaŭ prasoŭvać Univision [ispanamoŭnaje telebačańnie ŭ ZŠA]. Tamu ja z Rupiertam razmaŭlaju na adnoj movie. My padzialajem ahulnyja pierakanańni», — padzialiłasia Śmit z New York Post.

«Dla nas abaich heta dar ad boha», — dadała jana.

Miordak i Śmit płanujuć zhulać viasielle letam. Paśla hetaha jany źbirajucca žyć na čatyry damy: u Kalifornii, Mantanie, Ńju-Jorku i Vialikabrytanii, raspavioŭ miedyjamahnat.

Sa svajoj papiaredniaj žonkaj, eks-supiermadellu Džery Choł Miordak razyšoŭsia ŭ minułym hodzie. Raniej jon byŭ žanaty z aŭstralijskaj ściuardesaj Patrysijaj Bukier, žurnalistkaj z šatłandskimi karaniami Hannaj Man, a taksama pradprymalnicaj kitajskaha pachodžańnia Vendzi Denh.

Ad raniejšych šlubaŭ u Miordaka jość šeść dziaciej.

Jon taksama raspavioŭ, što prapanovu svajoj vybrańnicy zrabiŭ u Dzień Śviatoha Patryka, niabiesnaha apiekuna Irłandyi, patłumačyŭšy, što na adnu čverć źjaŭlajecca irłandcam.

Miljarder dadaŭ, što, prapanoŭvajučy niavieście ruku i serca, jon nadzvyčaj chvalavaŭsia.

Čytajcie taksama:

Lehiendarny astranaŭt Baz Ołdryn ažaniŭsia ŭ svoj 93-i dzień naradžeńnia

Kali havorka pra šlub i hrošy, to supraćlehłaści pryciahvajucca

Jana Papłaŭskaja, jakaja syhrała Čyrvonaha Kapturka, vyjšła zamuž za žurnalista, jaki na 15 hadoŭ maładziejšy za jaje

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Mozh Maksa Dizajniera /adkazać/
23.03.2023
nu živiet on v svojej zatchłoj kalifornii, ot vinohradnika do vinohradnika, ni duchovnosti ni prirody nastojaŝiej nietu. to li dieło my v maskvie mietro, mavzolej i krieml! vsie nas bojaťsia!  
1
Mozh Maksa Dizajniera /adkazać/
23.03.2023
Leśli, Sorosu  
0
Maksim Dizajnier/adkazać/
21.04.2023
Užie razorvali pomołvku. Vidno u hołddihierši słavianskije korni. Nie uśpieła kolco naciepiť, srazu naśledstvo oformlať stała.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera