Premjer Polščy sustreŭsia z Natallaj Pinčuk — žonkaj Alesia Bialackaha
Premjer-ministr Polščy Matevuš Maraviecki sustreŭsia z Natallaj Pinčuk, žonkaj asudžanaha na 10 hadoŭ kiraŭnika pravaabarončaha centra «Viasna», łaŭreata Nobieleŭskaj premii Alesia Bialackaha.
«Spadarynia Natalla — heta hołas biełaruskaj apazicyi. Heta niezvyčajna mocnaja, charyzmatyčnaja žančyna, jakaja kaža i pieradaje toje, što jaje muž nie moža skazać, bo ciapier znachodzicca ŭ biełaruskaj turmie, asudžany na 10 hod u demanstracyjnym palityčnym pracesie.
Niahledziačy na vykliki i ciažkaści, jakija štodnia prynosić vajna va Ukrainie i represii Łukašenki suprać biełarusaŭ, my pavinny najdalej padtrymlivać demakratyčnuju apazicyju za našaj uschodniaj miažoj. Hetaha patrabuje dziaržaŭny intares Polščy. Hetaha patrabuje čałaviečaja prystojnaść. Hetaha patrabuje budučynia i biaśpieka Jeŭropy», — paviedamlaje aficyjny akaunt premjera Polščy ŭ fejsbuku.
«Było 17 varyjantaŭ nobieleŭskaj lekcyi». Vialikaje intervju Natalli Pinčuk ab premii i kachańni
