Try čałavieki zahinuli ŭ Kijeŭskaj vobłaści ŭ vyniku načnoj ataki dronaŭ
U vyniku načnoj ataki dronami ŭ Kijeŭskaj vobłaści paškodžany cyvilny abjekt, ciapier viadoma pra traich zahinułych i siemiarych paranienych, infarmacyja ŭdakładniajecca, paviedamlaje abłasnaja vajennaja administracyja ŭ svaim telehram-kanale.
Fota: State Emergency Service of Ukraine
Havorka idzie pra horad Ržyščaŭ u Kijeŭskaj vobłaści, paviedamlajecca ab razbureńni dvuch internataŭ i administracyjnaha budynka. Na miescy pracujuć palicyja, ratavalniki i inšyja ekstrannyja słužby, paciarpiełym akazvajecca dapamoha, zajavili ŭ administracyi. Pažar łakalizavany.
Raniej kiraŭnik haradskoj vajennaj administracyi Siarhiej Papko paviedamlaŭ, što ŭsie celi, vyjaŭlenyja nočču ŭ pavietranaj prastory vakoł horada, byli źniščany. Pavodle papiarednich źviestak, Kijeŭskuju vobłaść i inšyja rehijony Ukrainy atakavali rasijskija drony. Ukrainski Hienštab zajaviŭ, što ŭsiaho byŭ zapuščany 21 bieśpiłotnik, 16 ź ich było źbita.
U Adesie napiaredadni viečaram rakieta trapiła ŭ žyły dom. Pavietranyja siły Ukrainy zajavili, što SPA źbiła nad Adeskaj vobłaściu dźvie avijacyjnyja rakiety Ch-59, vypuščanyja rasijskimi źniščalnikami. Kiraŭnik Ofisa prezidenta Andrej Jarmak paviedamlaŭ, što byŭ paškodžany trochpaviarchovy dom na terytoryi manastyra.
Čytajcie taksama:
Hubiernatar akupavanaha Sievastopala paviedamiŭ pra ataku «nadvodnych bieśpiłotnikaŭ»
