Pamior eks-kiraŭnik CVK RF Uładzimir Čuraŭ, jaki prasłaviŭsia mianuškaj «čaraŭnik» za arhanizacyju falsifikacyj na vybarach
Pra śmierć byłoha kiraŭnika Centrvybarkama Uładzimira Čurava paviedamili «Viedomosti». 17 sakavika Čuravu spoŭniłasia 70 hadoŭ. Bolš za tydzień tamu jamu zrabili apieracyju paśla šyrokaha infarktu.
Uładzimir Čuraŭ. Fota: Wikimedia Commons
Čuraŭ kiravaŭ Centrvybarkamam RF z 2007 pa 2016 hod.
Paśla svajho abrańnia staršynioj CVK u 2007 hodzie jon paabiacaŭ, što zholić baradu ŭ vypadku niesumlennych vybaraŭ.
27 studzienia 2012 hoda deputat ad KPRF Anatol Łokać pa daručeńni frakcyi padaryŭ Čuravu nažnicy. «Razmach parušeńniaŭ taki, što treba vykonvać svaje abiacańni i pahalicca», — skazaŭ Łokać.
6 śniežnia 2011 hoda, paśla padviadzieńnia vynikaŭ hałasavańnia na vybarach u Dziarždumu, Dźmitryj Miadźviedzieŭ (na toj momant — prezident RF) nazvaŭ Čurava čaraŭnikom. «Vy ž čaraŭnik amal, vas tak niekatoryja lidary partyj nazyvajuć», — skazaŭ Miadźviedzieŭ.
«Ja tolki vučusia», — adkazaŭ Čuraŭ.
